Thursday, April 16, 2009

ഒരു ഒറ്റമൂലി

മതങ്ങൾ തമ്മിലുള്ള വൈരത്തിനെക്കുറിച്ച് ഇപ്പൊ സമസ്തലോകത്തിനും ഭയങ്കര ചിന്തയാ. എന്ന് വച്ചാ, ദിപ്പൊ ഇണ്ടായ ഒരു സംഭവം മാതിരി. ഈ വൈരം തുടങ്ങീട്ട് കാലം എത്ര്യായി? സായിപ്പിനു മുസ്ലീം വിരോധം പണ്ടേ ഉള്ളതാ. അതിനവരു വല്യേ കുരിശു യുദ്ധം ഒക്കെ നടത്തീട്ടുണ്ട്. നമ്മക്ക് പിന്നെ ആയിരത്തെട്ട് ജാതീം അതിന്റുള്ളിലൊക്കെ ഒടുക്കത്തെ വഴക്കുമാ. ഒരാളെ കാണുമ്പൊ നമസ്ക്കാരം പറഞ്ഞ് ചിരിച്ചില്ലെങ്കിലും ജാതി വഴക്കോർത്ത് കരണക്കുറ്റിക്കടിക്കാൻ സ്കോപ്പുണ്ട്. യുഗങ്ങളായിട്ട് ഈ ജാതി വേർതിരിവും നമ്മടെ ഭാരതീയ സംസ്കാരമാ.

ഈ ജാതിമതങ്ങളു തമ്മിലുള്ള വൈരം തീർക്കാൻ എന്തേലും മാർഗമുണ്ടോ? ഒരു ഒറ്റമൂലി? ഉണ്ട്! കിട്ടിപ്പോയി! അതൊരു ഗംഭീരൻ വിഷയമാ. ആ വിഷയം ചർച്ചക്കെടുത്താൽ എല്ലാവരും തമ്മിൽ ഒന്നിനൊന്ന് മികച്ച ഐക്യമുണ്ടാകും. ആ ഭയങ്കര വിഷയമാണു നമ്മൾ പെണ്ണുങ്ങളെ പറ്റിയുള്ള കാര്യങ്ങൾ. പെണ്ണ് ജനിക്കണോ വേണ്ട്യോ? വല്ലതും അക്ഷരം കൂട്ടിവായിക്കാൻ പഠിക്കണോ? കല്യാണം കഴിക്കണോ? ജോലിക്കു പോണോ? തന്തേടേം കെട്യോന്റേം സ്വത്തില് അവകാശം വേണോ? അമ്പലത്തിലും പള്ളീലും ഒക്കെ കേറി വല്ല പൂജ്യോ കുർബാന്യോ ഓത്തോ ഒക്കെ ചെയ്യണോ? അയ്യോ അമ്മേന്ന് കരഞ്ഞ് വിളിച്ച് പെറ്റ് പോറ്റി മൊല കൊടുത്ത് വളർത്തി അപ്പീം മൂത്രോം കോരി, കുളിപ്പിച്ച്, ചോറുരുട്ടിക്കൊടുത്ത് വല് താക്കീട്ക്കണ കൊച്ചിന്റെ മേല് വല്ല അവകാശോം വേണോ പിന്നെ, നമ്മള് എന്തുടുക്കണം, എങ്ങനെ നടക്കണം, ആരോട് മിണ്ടണം, എന്ത് തിന്നണം, എന്ത് കുടിക്കണം ഈ പറഞ്ഞ പോലത്തെ വിഷയങ്ങള് മുമ്പോട്ടു വച്ച് എല്ലാ ജാതിമതക്കാരേം വിളിച്ച് ഒരു ചർച്ച സംഘടിപ്പിച്ച് നോക്ക്യേ. എം. എൽ. എ. മാർക്കും എം. പി. മാർക്കും കാശ് കൂട്ടണ ബില്ല് മാത്രമല്ലെ നമ്മടെ നിയമസഭേലും ലോകസഭേലും ഒരു വഴക്കും ഇല്ലാണ്ട് ഭരണ-പ്രതിപക്ഷ ഐക്യത്തോടെ പാസ്സാവാറുള്ളൂ. അതുപോലെ കമ്പ്ലീറ്റ് ഐക്യത്തോടെ എല്ലാ മതങ്ങളും പെണ്ണുങ്ങളുടെ അവകാശങ്ങളിലും ചുമതലകളിലും ഒറ്റ, സിങ്കിൾ അഭിപ്രായത്തിലെത്തും.

സംശ്യം വല്ലതും ഉണ്ടെങ്കിൽ നമ്മക്ക് ചർച്ച സംഘടിപ്പിച്ച് നോക്കാം.

5 comments:

SULFI said...

അത് സത്യം. നാം കണ്ടു ഈ കണ്ടവന്മാര്‍ എല്ലാം കൂടെ ഒത്തോരുമിച്ചത്. വനിതാ ബില്ലിനെതിരെ.
അങ്ങിനെ ഒരു കാര്യം പറഞ്ഞു.
ഈ ലോകം നന്നാവൂല.

Ajay said...

Pakkisthanam pakki kal kondu poyi
bangaldesam desakkaru kondu poyi
ini ppo bakkillathe streekalkke
purushanmarude oppamulla sthanamanu.athinippo oppllannare parannje,?ii nattile niyamonde pakshe athe samrakshikkathathe arude kozhappa? streekalu thanne, chuulum, olakkem eduthu othe pidichale adu nadakku...
namovakam.

ajith said...

നഃസ്ത്രീ സ്വാതന്ത്ര്യമര്‍ഹതി..

കുഞ്ഞുറുമ്പ് said...

പെണ്ണായി പിറന്നാൽ മണ്ണായി തീരുവോളം

കുഞ്ഞുറുമ്പ് said...
This comment has been removed by the author.