തലമുടി വളരെ വലുതാക്കി അപ്പം മാതിരി കെട്ടിവെച്ച ഒരു സ്ത്രീയാണ്.
‘ മാസം ഏഴായിരത്തിഅഞ്ഞൂറു രൂപ ചെലവാക്കി വീട്ടുസ്സാധനം വാങ്ങാന്‍ പറ്റുമെങ്കില്‍ ഒന്നരരൂപയുടെ പ്ലാസ്റ്റിക് കവര്‍ വാങ്ങാനാണോ ഞങ്ങള്‍ക്കു വിഷമം? നിങ്ങളെന്താ വിചാരിച്ചിരിക്കുന്നത്? നിങ്ങളുടെ ഒരു പോളിസി ഡിസിഷന്‍. ഒരു തുക്കട സൂപ്പര്‍ മാര്‍ക്കറ്റല്ലേ, ഇന്ത്യാ ഗവണ്‍മെന്‍റിന്‍റെ സീക്രറ്റ് ഏജന്‍ സിയൊന്നുമല്ലല്ലോ..വലിയ പോളിസി ഡിസിഷനൊക്കെ എടുക്കാന്‍. ദേ, ഈ കോസ്മറ്റിക്സ് കൊണ്ട് പോവാന്‍ ഞാന്‍ സഞ്ചീം കുഞ്ചീമൊന്നും എടുത്തിട്ടില്ല. എനിക്ക് പ്ലാസ്റ്റിക് ബാഗ് തന്നേ പറ്റൂ ’
മുരളിയേട്ടന്‍ മൌനം. ഉറുമ്പിന് ചിരി വന്നു. ആരെങ്കിലും ഒച്ചവെച്ചാല്‍ പിന്നെ മുരളിയേട്ടന്‍റെ നാക്ക് ഒരു മുണ്ടും മൂടി വായിലൊളിച്ചു കളയും.
‘ നിങ്ങളിന്നലെ കൊടുത്തയച്ച സോസും എണ്ണയും വേറെ വേറെ പ്ലാസ്റ്റിക്കിലിട്ട് പാക്ക് ചെയ്യാതെ മറ്റ് സാധനങ്ങളിലൊക്കെ പുരണ്ട് വൃത്തി കേടായി. എന്തിനാ ഹോം ഡെലിവറി? വൃത്തിയായിട്ട് സാധനങ്ങള്‍ കിട്ടാനല്ലേ? നാലു പ്ലാസ്റ്റിക് കവര്‍ അധികം ഇട്ടിരുന്നെങ്കില്‍ സോസും എണ്ണേം പുരണ്ടതൊക്കെ തുടച്ച് വൃത്തിയാക്കേണ്ടി വരുമായിരുന്നോ? ലോകം മുഴുവനുണ്ടല്ലോ പ്ലാസ്റ്റിക് ബാഗ്. നിങ്ങള്‍ക്ക് മാത്രം അതു തരാനെന്താ ഇത്ര വലിവ്? ’
മുരളിയേട്ടന്‍ പിന്നേം മൌനം.
‘അത് ചേച്ചീ, ലോകം മുഴുവന്‍ പ്ലാസ്റ്റിക്കാന്നു പറഞ്ഞില്ലേ ? ചേച്ചീടെ വീട്ടിലും ഉണ്ടാവുമല്ലോ, അതാവും മുരളിയേട്ടന്‍ ഇത്തിരി പിശുക്ക് കാണിച്ചത്.’
ഉറുമ്പ് പാക്കറ്റുകള്‍ക്കിടയില്‍ നിന്ന് പുറത്ത് വന്ന് ആരാണ് മുരളിയേട്ടനു വേണ്ടി വാദിക്കുന്നതെന്ന് അന്വേഷിച്ചു. ഇതുവരെ അങ്ങനെയൊരു സംഭവമുണ്ടായിട്ടില്ല. ചന്ദ്രിക ചേച്ചി പോലും വരാറില്ല അതിന്. തന്നെയുമല്ല, തരം കിട്ടുമ്പോഴൊക്കെ ‘ഓ! ഇയാള്‍ടെ ഒരു ഒടുക്കത്തെ ആദര്‍ശം. ഈ ഭൂമീലെ സകല ഉറുമ്പിനേം പുഴൂനേം ഒക്കെ നോക്കി നടത്താന്‍ ഇയാളെ ആരാ ഏല്‍പിച്ചത്’ എന്ന് പല്ലു കടിച്ച് പ്രാകുകയും ചെയ്യും.
ആരാ ഈ പുതിയ ആള്‍ ?കോളേജിലോ മറ്റോ പഠിക്കുന്ന പയ്യനാണെന്ന് തോന്നുന്നു. എന്തായാലും ഇവിടെ ആദ്യമാണ്.
‘എന്റെ വീട്ടിലു ഈ പ്ലാസ്റ്റിക്കെന്തിനാ സൂക്ഷിക്കണത്? ഞങ്ങള്‍ക്ക് സൂപ്പര്‍ മാര്‍ക്കറ്റില്ല ആള്‍ക്കാര്‍ക്ക് കൊടുക്കാന്‍... അപ്പപ്പോ എടുത്ത് പുറത്തേക്ക് കളയും. അല്ല, പിന്നെ. അവന്‍റെ ഒരു ചോദ്യം. ...
ചേച്ചി വിടാന്‍ ഭാവമില്ല.
‘ ആ അതാ കുഴപ്പം .അതൊക്കെ തിന്നാ റോഡില് നടക്കണ പശുവൊക്കെ മരിക്കണത്. എല്ലാ ഓടയും അടയണത്. ആകെ വൃത്തികേടാവണത് ‘
ഉറുമ്പിന് ശരിക്കും ചിരി വന്നു.
മനുഷ്യരു പൊതിഞ്ഞുകൊടുക്കുന്ന കേടുവന്നതിന്‍റേയും ചീഞ്ഞതിന്‍റേയും ഒപ്പം ആ പ്ലാസ്റ്റിക്കും കൂടി പശു എങ്ങനെയാണ് തിന്നുന്നതെന്ന് ഉറുമ്പിനു ഇതുവരെ മനസ്സിലായിട്ടില്ല. അത്ര ബുദ്ധിയില്ലായിരിക്കുമോ പശുവിന് ? പലഹാരവും പഞ്ചസാരയുമൊക്കെ തിന്നുമെങ്കിലും പ്ലാസ്റ്റിക് തിന്നാന്‍ ഉറുമ്പിനെ കിട്ടില്ല.
‘ലോകം വൃത്തികേടായാ നമ്മളെന്തു ചെയ്യാനാ? നമുക്ക് നമ്മുടെ വീട് വൃത്തിയാക്കി വെച്ചാ പോരെ? അതു പോട്ടെ, മുരളിക്ക് വക്കാലത്തിനു നീയാരാ ചെറുക്കാ? മുരളീടെ ബന്ധുവാ?’
‘ ഞാന്‍ എല്ലാവരുടേം ബന്ധുവാ ചേച്ചീ... ദേ, ഈ ഉറുമ്പിന്റെ വരെ.’
‘നീയെന്തെങ്കിലുമായിക്കോ. എനിക്ക് ഇതൊക്കെ ഒരു പ്ലാസ്റ്റിക് കവറിലിട്ടു താ. പോയിട്ട് ജോലിയുണ്ട്.’
ചേച്ചി സാധനങ്ങള്‍ ചൂണ്ടിക്കാട്ടി പയ്യനോട് പറഞ്ഞു.
ഉറുമ്പ് ഇത്തവണ പൊട്ടിച്ചിരിച്ചു പോയി.
53 comments:
പ്ലാസ്റ്റിക് തിന്നു മരിച്ച പശുക്കള്‍ക്ക്, പ്ലാസ്റ്റിക് നിരോധിക്കുന്ന സര്‍ക്കാരിനു, ഷോപ്പിംഗിനൊപ്പം പ്ലാസ്റ്റിക് സഞ്ചി കിട്ടിയില്ലെങ്കില്‍ ഈഗോ മുറിപ്പെടുന്നവര്‍ക്ക്, പച്ചവെള്ളം കൊണ്ടു പോവാന്‍ പാത്രമില്ലാതെ വഴിയരികില്‍ കിടക്കുന്ന പ്ലാസ്റ്റിക് കവറെടുത്ത് പൈപ്പിന്‍ ചുവട്ടില്‍ കഴുകി അതില്‍ വെള്ളം നിറച്ച് താമസസ്ഥലമായ റോഡരികിലെ മാവിന്‍ ചുവട്ടിലേക്ക് ധിറുതി വെച്ച് നടക്കുന്നവര്‍ക്ക്....
എല്ലാവര്‍ക്കുമായി ഈ പോസ്റ്റ്....
പരിചയമായ ശീലങ്ങള്‍ പെട്ടെന്ന് നിലയ്ക്കുമ്പോള്‍ അതൊന്നും ശരിയാവില്ലെന്നോ നിങ്ങള്‍ എന്ത് പണിയാ കാണിക്കുന്നത് എന്നോ ദേഷ്യപ്പെടാനല്ലാതെ എന്ത് എന്തിന് എന്നൊക്കെ ചിന്തിക്കാന്‍ സമയം എവിടെ?
People have a sarcastic look at me, when I take my disposable tea cups out - from the movie theatre to the dustbin outside the hall. I can feel that look - Ivanaarada, vattaano? donde oru naadan saayippu naadu nannaakkunnu are some comments - and this is in our own Kochi. I dont face/hear this while doing it in Chennai.
We Malayalees have the worst attitude in keeping our public places clean. Kochi and Panaji used to be the most clean cities in India, till the mid 90's. It is incredible how Kochi changed. Now please dont blame the other state labourers. The Kochi multiplexes are already dirtier than the older multiplexes from other cities. In fact one of the city multiplex staff mentioned that they are finding it difficult to be punctual with the show timings as the cleaning takes more time than anticipated, between the shows. So its not the poor, its the middle and upper classes. Its the rich and middle who throw more waste into the society, who spend extra time and money to keep their homes luxurious.
This love for plastic kits, I guess, is just because they can be thrown away anywhere. And we laugh at the Tamilian's yellow cloth bag.
അജിതെട്ടന്റെ വിമര്‍ശനം കുറിക്കു കൊണ്ട് എന്ന് തോന്നുന്നു.. :p
എപ്പോഴുംപോലെ ഇതും നന്നായി.
പ്ലാസ്റ്റിക് നിരോധനം....
ഉത്തരം കിട്ടാത്ത ഒരു സമസ്യയാവുന്നു....
നന്നായി പറഞ്ഞു എച്ചുമു....
പ്ലാസ്റ്റിക് നിരോധനം സര്ക്കാര് നടപ്പിലാക്കിയാലും ജനങ്ങള് സമ്മതിക്കില്ല. (നാമടക്കം)
ന്റ എച്മുകുട്ട്യേ ,
ഉറുമ്പ് പൊട്ടിച്ചിരിക്കണത് ഈ ഞാനും കേട്ടു .
'തലമുടി വളരെ വലുതാക്കി അപ്പം മാതിരി കെട്ടിവെച്ച ' ആയമ്മയ്ക്കെന്തേ
ഉറുമ്പിന്റെ അത്രപോലും ബുദ്ധിയില്ലേ ? പ്ലാസ്റിക് തിന്നാൽ പശു മാത്രല്ല
ഭൂമിയും ഇഞ്ചിഞ്ചായി മരിക്കുംന്ന് .
എച്മൂ , നിയമം കൊണ്ട് നിരോധിച്ചു എന്ന് പറഞ്ഞിട്ട് എന്താ കാര്യം .എന്തുകൊണ്ടാണ്
ആ നിരോധനം എന്നോ അതിൽ തനിക്കെന്താണ്‌ പങ്കെന്ന് ചിന്തിക്കാനോ ഒരല്പം ബുദ്ധിമുട്ടാനോ മടി കാണിക്കുന്ന മനുഷ്യർ . ഭൂമിയുടെ നിലനിൽപ്പിനുതന്നെ ഭീഷണി
ആയി മാറുന്നു പ്ലാസ്റിക് ഉൽപ്പന്നങ്ങളുടെ വലിച്ചെറിയലും കത്തിക്കലും
കുഴിച്ചുമൂടലും .
നന്നായി എഴുത്ത് .
എച്മുകുട്ട്യേ ,
ഒരു കാര്യം പറയാൻ മറന്നു .
' കഥയില്ലാത്തവൾ '... ആ പേരിനു പിന്നിലൊരു കഥയുണ്ട് .
ഓർക്കാൻ ഏറ്റവും ഇഷ്ടപ്പെടുന്ന , പോകുമ്പോൾ കൊണ്ടുപോകാൻ
കരുതിവച്ചിരിക്കുന്ന ഒരു കഥ . അതോണ്ട് എന്തുപറഞ്ഞാലും ആ
പേര് ഉപേക്ഷിക്കാൻ ഈയുള്ളവൾ തയ്യാറല്ലാട്ടോ .
സസ്നേഹം കത(ഥ)യില്ലാത്തവൾ .
ഒടുക്കം ഉറുമ്പു തിന്നും, എന്റെയും നിന്റേം എച്ച്മൂന്റേം എല്ലാം ഉലകം!!
പരിസ്ഥിതി, പ്രകൃതി ഇവയ്ക്കുവേണ്ടിയെല്ലാം വാദിയ്ക്കുന്നവര്‍ തീവ്രവാദികളും മറ്റുമൊക്കെയായി മുദ്രകുത്തപ്പെടുന്നു. ഞാന്‍ കഴിയുന്നേടത്തോളം പ്ലാസ്റ്റിക് ബാഗ് വേണ്ടെന്ന് പറഞ്ഞ് ഒഴിവാക്കുന്നു. നമ്മളെക്കൊണ്ടാവുന്നത്. പണ്ടൊക്കെ ഒരു സഞ്ചിയുമായി പലചരക്കുകടയില്‍ പോയി സാധനങ്ങള്‍ വാങ്ങിയിരുന്നു ഞാന്‍. ഒരു കുപ്പിയുമായി ചെന്നാല്‍ മാത്രമേ എണ്ണകള്‍ കിട്ടുകയുള്ളായിരുന്നു. ഇപ്പോള്‍ എല്ലാം പ്ലാസ്റ്റിക് പാക്കറ്റുകളിലാണല്ലോ.
നല്ല സോദ്ദേശകഥ
nice plastic stry...
urumpinu chirikam.. namukko....?
പ്ലാസ്റ്റിക്ക് മാനുഫാക്ച്ചറിങ്ങ് കമ്പനിയിലാണ് ജോലി എന്നത് കൊണ്ട് നോ കമന്റ്സ് കേട്ടോ എച്ച്മു... :)
ഇപ്പോള്‍ ഒരുവിധം കൊള്ളാവുന്നിടത്തൊക്കെ പ്ലാസ്റ്റിക് മാറ്റി രണ്ടുരൂപായുടെ സഞ്ചി ആക്കിയിരിക്കുന്നു.
നല്ല സോദ്ദേശകഥ
Well Done! Echumukutty,
athe uripinu chirikkaam
pakshe!! Namukko!!!
Kollaam. kathaa thanthu
kollaam. For one month
With a to Z blog Challenge,
Best Regards
‘ലോകം വൃത്തികേടായാ നമ്മളെന്തു ചെയ്യാനാ? നമുക്ക് നമ്മുടെ വീട് വൃത്തിയാക്കി വെച്ചാ പോരെ?
നല്ല കണ്‍സെപ്റ്റ്.എത്രകാലമായി പ്ലാസ്റ്റിക്ക് നിരോധനമെന്ന്പറഞ്ഞു മുറവിളികൂട്ടുന്നു..
എവടെ നടക്കാന്‍!!!
നമ്മളോരോരുത്തരും മാറുകയേ നിവൃത്തിയുള്ളൂ..
കഴിവതും പ്ലാസ്റ്റിക് വേർതിരിച്ച് റ്റിന്നിലടച്ച് സൂക്ഷിക്കുകയാണു ഞങ്ങൾ, വലിച്ചെറിയാൻ തീരെ അനുവദിക്കുന്നില്ല ഇപ്പോൾ. പരിസരവാസികളോടും പറയാറുണ്ട്..ഒരു പദ്ധതിക്കും ഇതൊന്നും മാറ്റാൻ കഴിയില്ല, നമ്മൾ മാറുകയല്ലാതെ...
ഒരു സ്ക്കൂൾ പാഠപുസ്തകത്തിൽ ഉൾപ്പെടുത്താവുന്ന, ഒരു പരിസ്ഥിതിസംരക്ഷണക്ലാസിന് നന്നായി ഉപകാരപ്പെടുന്ന കഥ.
നിയ്ക്കും ഇഷ്ടായി ട്ടൊ..കഥയിലെ കാര്യം നന്നായിരിക്കുന്നൂ..!
ആനയെ മിസ്സ്‌ ചെയ്യുന്നൂ..അടുത്ത കഥയിൽ ആന പൊട്ടിച്ചിരിക്കണേ..!
എച്മൂ, ഒരു പ്ലാസ്റ്റിക് ബാഗിൽ തന്നെ കെട്ടി മലയാളിയുടെ മുഖത്തിനു നേരേ തന്നെ നല്ലൊരു ഏറ്...!
Nice
Best wishes
നാം ഒന്നും പഠിക്കുകയില്ല. നൈമിഷിക സുഖം നമ്മെ അത്രയും സുഖലോലുപരാക്കിയിരിക്കുന്നു
ദോഷം പറയരുതല്ലോ ഞങ്ങളുടെ നാട്ടില്‍ ഇപ്പോള്‍ പ്ലാസ്റ്റിക്ക് ഉപയോഗിക്കാറില്ലാ...എല്ലാവരും പേപ്പർ ബാഗുകളാക്കി...”മംഗലയ്ക്കൽ’ എന്ന ഞങ്ങളുടെ ചെറിയ പട്ടണത്തിൽ....പ്ലാസിക്ക് ബാഗുകൾ ഭാരതത്തിൽ നിന്നും തുടച്ച് മാറ്റപ്പെടുന്ന ഒരു കാലം വരും എന്ന് പ്രത്യാശിക്കാം
ആ ചേച്ചി പറഞ്ഞതിലും കാര്യമില്ലേ? സോസും എണ്ണയും പറ്റാത്ത രീതിയില്‍ വൃത്തിയായി സാധനങ്ങള്‍ പാക്കു ചെയ്യാന്‍ പറ്റുന്ന പാക്കിംഗ് മെറ്റീരിയത്സ് സുലഭമായി ഉണ്ടായിരുന്നെങ്കില്‍ പ്ലാസ്റ്റിക്ക് ബാഗിന് വേണ്ടി ചേച്ചിയും മുറവിളികൂട്ടില്ലായിരുന്നു. പ്ളാസ്റ്റിക് നിരോധനം ഉത്തരവുകളില്‍ മാത്രം ഒതുങ്ങിക്കൂടുകയും അരുത്.
ലോകം , രാജ്യം , സമൂഹം , വീട്, നാം............!
ഈ ഒരു ഉന്നതമായ ചിന്തയില്‍ നിന്നും
ഞാന്‍ , എന്റെ , എന്റെ വീട് , എന്റെ മുറിയെന്നുള്ള
സ്വാര്‍ത്ഥമായ ചിന്തയിലേക്ക് നാം ചേക്കേറീ ...!
എല്ലാര്‍ക്കും അവനവന് ഉണ്ടാക്കേണ്ട ചിന്ത മാത്രം
അന്നന്ന് വേണ്ടതിനേ കുറിച്ച് മാത്രം ...
ഇന്ന് നാം കാണുന്ന ഒരു കാര്യമുണ്ട് , എന്തു ചെയ്താലും
ഉടനടി ഫലം വേണം , അതിന് വേണ്ടി പുതിയ രീതികള്‍ തേടുന്നു.
ഇങ്ങനെ നമ്മുടെ മുന്‍ തലമുറകള്‍ ചിന്തിച്ചിരുന്നെങ്കില്‍
ഇന്ന് കട്ട് മുടിക്കാനും , വെട്ടി പിടിക്കാനും ഒന്നും ബാക്കിയുണ്ടാകുമായിരുന്നില്ല ..
ഇന്നിന്റെ മനസ്സ് വളരെ സ്വാര്‍ത്ഥമാണ് , വരും തലമുറയേ , സ്വന്തം മക്കളുമതാണെന്ന
ചിന്തയില്ലാതെ ചെയ്തു കൂട്ടുന്ന ചെയ്തികള്‍ക്ക് ആരു മാപ്പ് നല്‍കും ...
ചപ്പുചവറുകള്‍ തൂത്ത് , അടുത്തവന്റെ പറമ്പിലേക്കെറിയുന്ന
സ്വഭാവമാണിന്നെങ്ങും , അവനവന്റെ വീട്ടീന്ന് കളഞ്ഞാല്‍ , തീര്‍ന്നു
എന്നു കരുതുന്നു വിഡികളോ , അതി സാമ്ര്ത്യമുള്ളവര്‍ എന്ന് സ്വയം
ധരിക്കുന്നുവരൊക്കെ കൊണ്ട് സമൂഹം നിറഞ്ഞിരിക്കുന്നു ...
ആവിശ്യത്തില്‍ കൂടുതല്‍ ഭക്ഷണം , വെള്ളം , അത്യാര്‍ത്തീ
ഇവയൊകെക് മാലിന്യം വര്‍ദ്ധിപ്പിക്കും , കൂടേ നാം മറച്ച് വച്ചിരിക്കുന്ന
ഏറ്റം അപകടകരമായ , "ജനപെരുപ്പം " .. ആരൊട് പറയാന്‍ ആണ് ..
എനിക്കുണ്ട് ഞാന്‍ വളര്‍ത്തും , ദൈവം തരുന്നുന്ന് പറയുന്ന ഒരു ഭാഗം
ദൈവം തന്നു , അവന്‍ വളര്‍ത്തും എന്നും പറഞ്ഞ് അവസ്സാനം
തെണ്ടി പൊകുന്ന മറ്റൊരു വിഭാഗം ,, എല്ലാം ആവിശ്യത്തിന് മാത്രം ..
മറ്റുള്ളവരുടെ ഒരു നേരത്തേ " സോര്‍സ് " ആണ് ചിലപ്പൊള്‍
സാമ്പത്തികമായി മുന്നേറ്റം നില്‍ക്കുന്ന പേരില്‍ നാം സ്വന്തമാക്കുക ..
പ്രകൃതിയോടിണങ്ങിയല്ലാതെ മുന്നൊട്ട് ഒരിഞ്ച് പൊകുവാന്‍ നമ്മുക്കാകില്ല
കാരണം അതിന്റെ തുമ്പൊളം എത്തീ എല്ലാ കാര്യങ്ങളും ...
സ്വന്തം മനസ്സ് മാറ്റാതെ സമൂഹം മാറില്ല അതിലൂടെ വീടും നാടും രാജ്യവും
ലോകവും മാറണം .. മറ്റെവിടെയെങ്കിലും നടക്കുന്ന ദുരന്തം
ടിവിയില്‍ കണ്ടു മുതലകണ്ണിര്‍ പൊഴിക്കുമ്പൊള്‍ നാളേ നിന്നേയും തേടിയെത്തും
ഇതൊക്കെ എന്നുള്ള ചിന്ത " ലോകമേ തറവാട് " എന്ന നല്ല പ്രവര്‍ത്തിയിലേക്ക്
നമ്മേ നയിക്കുന്നുവെങ്കില്‍ നല്ലത് തന്നെ ..
ഒരിത്തിരി വാക്കുകളിലൂടെ ഒത്തിരി ചിന്ത പകര്‍ന്നു കലേച്ചീ ..!
“ നമുക്ക് നമ്മുടെ വീട് വൃത്തിയാക്കി വെച്ചാ പോരെ?“
കൂട്ടത്തിൽ അയല്പക്കക്കാരന്റെ പറമ്പും നാമായിട്ട് ചീത്തയാക്കില്ലാന്ന് കൂടി ചിന്തിച്ചാൽ മതി. പിന്നെ നമ്മളെല്ലാം നന്നായിക്കോളും.
ആശംസകൾ....
പ്ലാസ്റ്റിക് ഇന്ന് ഇന്ത്യ മുഴുവന്‍ പടര്‍ന്നു കൊണ്ടിരിക്കുന്ന മഹാ വിപത്താവുകയാണ്.
മുംബൈ പോലുള്ള ഒരു നഗരത്തില്‍ അലക്ഷ്യമായി വലിച്ചെറിയുന്ന പ്ലാസ്റ്റിക്ക് സാമഗ്രികള്‍ ആണ് വര്‍ഷക്കാലത്ത് ഓവുകള്‍ അടക്കുന്നതും തന്മൂലം വെള്ളപോക്കമുണ്ടാക്കുന്നതും ഗതാഗതം തടസ്സപെടുത്തുന്നതുമെല്ലാം. ഇടയ്ക്കിടെ വന്‍ശിക്ഷ നല്‍കും പിഴ ചുമത്തും എന്നൊക്കെ പറഞ്ഞു അധികൃതര്‍ വാര്‍ത്ത സൃഷ്ട്ടിക്കുമെങ്കിലും അതെല്ലാം കാറ്റില്‍ പറത്തിയ ചരിത്രമാണ് ഈ നഗരത്തിനുള്ളത്.
രണ്ടു മാസം മുന്‍പ് മദ്രാസില്‍ പത്തു ദിവസം ഉണ്ടായിരുന്നു. അവിടെയും സ്ഥിതി മറിച്ചല്ല. രാജ്യത്തിനാകമാനം ഭീഷണിയാം വണ്ണം പ്ലാസ്റ്റിക് മാറുമ്പോള്‍ ബോധവല്‍ക്കരണങ്ങള്‍ കൊണ്ടും മറ്റും യാതൊരു ഫലവും ഇല്ലെന്നതാണ് യാഥാര്‍ത്ഥ്യം. കേന്ദ്ര സര്‍ക്കാരിനു ഈ കാര്യത്തില്‍ ഇനി വല്ലതും ചെയ്യാനുണ്ടോ എന്ന് ആകാംഷയോടെ വീക്ഷിച്ചു കൊണ്ടിരിക്കാം നമുക്ക്.
എനിക്കും ആ ഉറുമ്പിനെ പോലെ ചിരിക്കണം .. അട്ടഹസിച്ചു ചിരിക്കണം .. പാവം .
ഉറുമ്പിനെ പോലെ ഇപ്പോള്‍ അതിലും ഇതിലും പോണം. ഒന്നൂടി വായിച്ചു.
നിരോധനംകൊണ്ട് എന്താകാന്‍? മറുവഴി ലഭ്യമാക്കുകയല്ലേ ആദ്യം വേണ്ടത്?
ഓഹോ പ്ലാസ്റ്റിക് നിരോധനം,അത് നടക്കില്ല പഷേ ഉപയോഗം കുറക്കാൻ സാധിക്കും
ആക്ഷേപ ഹാസ്യം കുറിക്കു കൊള്ളുന്നു..
വിനുവേട്ടനെപ്പോലുള്ളവരുടെ പ്രശനം തീര്തിട്ടു
മതി കേട്ടോ ഇതൊക്കെ. അത് കാര്യം വേറെ.
kadha nannaayitund.
ഇവിടെ സായിപ്പും മദാമയും
കറമ്പരും വരെ നമ്മുടെ നാട്ടിൽ
നിന്നും ഇറക്കുമതി ചെയ്യുന്ന ചാക്ക് സഞ്ചിയും,തുണി ബാഗ്ഗുകളും എത്ര പത്രാസോടെയാണ് കൊണ്ട് നടക്കുന്നത്...!
നമ്മളെന്താ... നന്നാവാത്തെ അല്ലേ..!?
കുഞ്ഞു കഥയില്‍ കൂടി ചിന്തിപ്പിക്കുന്ന സന്തേശം നല്‍കിയ പോസ്റ്റ് ,,ഇക്കാര്യത്തില്‍ ഉറുമ്പിന്റെ അത്രയെങ്കിലും ബോധവാന്‍ അല്ല എന്നതാണ് സത്യം ,,
ഇടയ്ക്കൊക്കെ ഇതു പോലെ ആക്ഷേപഹാസ്യവുമാകാം ചേച്ചീ...
ഉറുമ്പിന്റെ ചിരി കൊള്ളാം. ഇപ്പോള്‍ ഇവിടെയൊക്കെ (കാശു കൊടുത്താണെങ്കിലും) recycle ചെയ്യാവുന്ന കവറുകളാണ് ഷോപ്പിങ്ങ് മാളുകളില്‍ നിന്ന് തരാറുള്ളത്.
രണ്ട് ദിവസം മുമ്പ് നാടുകാണിയില്‍ (ഗൂഡലൂര്‍) വച്ച് സാധനം വാങ്ങിയപ്പോള്‍ പ്ലാസ്റ്റിക് കവര്‍ വേണ്ട എന്ന് ഞാന്‍ പറാഞ്ഞ നിമിഷം ആ കടക്കാരന് എന്നെ ഓര്‍മ്മ കിട്ടി!ഒരു വര്‍ഷം മുമ്പും നിങ്ങള്‍ ഇവിടെ വന്നപ്പോള്‍ കവര്‍ വേണ്ട എന്ന് പറഞ്ഞിരുന്നില്ലേ എന്ന് അദ്ദേഹം ഓര്‍മ്മിച്ചെടുത്തു.നാം ഓരോരുത്തരും പ്ലാസ്റ്റിക് മാലിന്യത്തിനെതിരെ (പ്ലാസ്റ്റിക്കിനെതിരെയല്ല) പോരാടിയാല്‍ തീര്‍ച്ചയായും ചില മാറ്റങ്ങള്‍ നമുക്ക് സൃഷ്ടിക്കാന്‍ കഴിയും.
കുറച്ചു നാളുകളായി എച്മുവിന്റെ പോസ്റ്റ്യുകളിലേക്കു വരാൻ ഭയമായിരുന്നു പുരുഷനല്ലെ ഹ ഹ ഹ ഇന്നു ചിരിച്ചു പോയി ഉറുമ്പു മാത്രം അല്ല ഞാനും ഹ ഹ ഹ :)
പ്രിയപ്പെട്ട ചേച്ചി
കഥ ഇഷ്ടമായി.
നല്ല തിരിച്ചറിവ് ഇല്ലാത്തതുകൊണ്ടാവും ചിന്തിക്കാൻ കഴിയാത്തതും.
സ്നേഹത്തോടെ,
ഗിരീഷ്‌
ആശംസകള്‍
plastic nirodhitha meghala ennu ezhuthiyirikkunnathu plastic upayogichu. appol !!!!!!!!!!
post nannayirikkunnu. valare nalathe idavelakkusheshamanu varunnatu. iniyum varam.
ആദ്യ വായനയ്ക്ക് എത്തിയ രാംജിക്കു നന്ദി. പ്ലാസ്റ്റിക് ശീലം നമുക്ക് വൈകിക്കിട്ടിയ ഒന്നല്ലേ രാംജി. അത് ദുരുപയോഗം ചെയ്ത് ചെയ്ത് നമ്മള്‍ ഇങ്ങനെയായി...
രാജേഷിന്‍റെ വിശദമായ മറുപടിക്കു നന്ദി. നമ്മള്‍ ഒരാള്‍ വിചാരിച്ചാല്‍ നാടു നന്നാകുമോ എന്നാണ് എല്ലാവരും എപ്പൊഴും ചോദിക്കുക.
അതെ, ശ്രീജിത്ത്. അജിത്തേട്ടന്‍റെ വിമര്‍ശനം വായിച്ച് ഞാന്‍ ഷോക്കടിച്ചു പോയി. കഥ ഇഷ്ടപ്പെട്ടെന്നറിഞ്ഞ് സന്തോഷിക്കുന്നു.
പ്രദീപ് മാഷിനും അബൂതിക്കും നന്ദി.
കഥയില്ലാത്തവള്‍ക്ക് നന്ദി. പേരു മാറ്റണ്ട. ഒത്തിരി കഥയുള്ള ആളാണെന്ന് ആ ബ്ലോഗ് കണ്ടപ്പോള്‍ എനിക്ക് മനസ്സിലായിട്ടുണ്ട്. ആ ഓര്‍മയില്‍ പറഞ്ഞതാണ് പേരു മാറ്റാന്‍...
അക്കാര്യം നൂറ്റൊന്നു ശതമാനം ഉറപ്പല്ലേ ജയന്‍ സാര്‍ ?
അജിത്തേട്ടന്‍ വായിച്ചതിലും അഭിപ്രായം എഴുതിയതിലും വളരെ സന്തോഷം
ലീനു മോള്‍ വന്നല്ലോ.സന്തോഷം കേട്ടൊ.
നമ്മളെ നോക്കിയല്ലേ മുകിലേ ഉറുമ്പ് ചിരിക്കുന്നത്?
വിനുവേട്ടാ, അധികമായാല്‍ എല്ലാം കുഴപ്പമാണ്. അത്രയുമേ ഞാന്‍ പറയാനുദ്ദേശിച്ചുള്ളൂ. പ്ലാസ്റ്റിക് ഒരു ഫന്‍റാസ്റ്റിക് ഹൈലി എഫിഷ്യന്‍റ് ഒക്കെയായ ഒരു മെറ്റീരിയലാണ്. പക്ഷെ, മനുഷ്യര്‍ അതിനെ സ്വന്തം നിലനില്‍പ്പിനു പോലും ഭീഷണിയാവുന്ന വിധത്തില്‍ ദുരുപയോഗിച്ചുകൊണ്ടിരിക്കുന്നു. നമുക്ക് എവിടെ വരയ്ക്കണമെന്നറിയില്ല, ലിമിറ്റ് അറിയില്ല അതാണ് കുഴപ്പം. ഉറുമ്പിനെപ്പോലെ വേണ്ടത്ര പ്ലാസ്റ്റികിനെ സ്വീകരിക്കാനറിയാതെ പശുവിനെപ്പോലെ അതു തിന്നു മരിക്കുകയാണ് നമ്മള്‍.. വിനുവേട്ടന്‍ വന്നതിലും വായിച്ചതിലും സന്തോഷം.
വെട്ടത്താന്‍ ചേട്ടന്‍ വായിച്ചതില്‍ സന്തോഷം.
ഉസ്മാന്‍ ജി,
ഏരിയല്‍ ചേട്ടന്‍,
സിദ്ദീക് ജി എല്ലാവര്‍ക്കും നന്ദി.
അതെ, നവാസ് പറയുന്നത് ശരിയാണ്.ദുരുപയോഗം ചെയ്യരുത് പ്ലാസ്റ്റിക്കിനെ എന്നല്ല ഒന്നിനേയും.
ശ്രീനാഥന്‍ മാഷ് എഴുതിയത് വായിച്ച് സന്തോഷിക്കുന്നു. എനിക്ക് സ്കൂള്‍ റ്റെക്സ്റ്റ് ബുക്കുകളില്‍ കഥ എഴുതാന്‍ വലിയ ആശയാണ്. അടുത്ത ജന്മത്തിലെങ്കിലും നടക്കണേ എന്നാണ് വിചാരം.
ആന ഒരു കഥ പറഞ്ഞു തന്നാലല്ലേ എനിക്ക് എഴുതാന്‍ പറ്റൂ , ഞാന്‍ ശ്രമിക്കാം കേട്ടോ വര്‍ഷിണി. വായിച്ച് ഇങ്ങനെ ഒരു കമന്‍റെഴുതിയതില്‍ വലിയ ആഹ്ലാദം കേട്ടൊ.
അനില്‍,
ദ മാന്‍ ടു വാക് വിത്,
ഭാനു എല്ലാവര്‍ക്കും നന്ദി.
ചന്തുവേട്ടനു നന്ദി. പേപ്പര്‍ ബാഗും ദുരുപയോഗം ചെയ്യാതിരിക്കുക എന്നതാണ് പ്രധാനം അല്ലേ? ഒരു പേപ്പര്‍ ബാഗ് നിര്‍മ്മിക്കാന്‍ എത്ര മരം വെട്ടണമെന്ന് ആലോചിക്കുകയും അതു ദുരുപയോഗം ചെയ്യാതിരിക്കുകയും വേണം.വായിച്ചതില്‍ സന്തോഷം കേട്ടോ.
എല്ലാം എല്ലാവര്‍ക്കും ആവശ്യമാണ്.. സുലഭമായി ഒന്നും ഉണ്ടാവുക വയ്യ, ഒരിടത്ത് എന്തെങ്കിലും സുലഭമാവുന്നുണ്ടെങ്കില്‍ മറുവശത്ത് അതിനു കുറവ് വരുന്നുണ്ടാവുമെന്ന് തോന്നുന്നു.തുമ്പി വായിച്ചതിലും അഭിപ്രായം എഴുതിയതിലും സന്തോഷം.
കുഞ്ഞുകഥ ഇഷ്ടായീട്ടോ.
റീനിയുടെ വിശദമായ മറുപടി വായിച്ചു.നന്ദി.
വി. കെ,
വേണുമാഷ്,
പ്രവീണ്‍ എല്ലാവര്‍ക്കും നന്ദി.
ജോസലൈറ്റ് അനവധി മറ്റു ഓപ്ഷ്ന്സ് പ്ലാസ്റ്റിക് ക്യാരി ബാഗിനു പകരമായി ഉണ്ടല്ലോ. ഈ ദുരുപയോഗത്തിനു നമ്മള്‍ വലിയ വില കൊടുക്കേണ്ടതായി വരുമെന്ന് ഈ രംഗത്ത് പ്രവര്‍ത്തിക്കുന്നവര്‍ താക്കീതു ചെയ്യുന്നു. വന്നതില്‍ സന്തോഷം കേട്ടോ.
മൈ ഡ്രീംസ് നിരോധനമല്ല, ദുരുപയോഗമാണ് ഞാന്‍ എഴുതാനു ശ്രമിച്ചത്. വായിച്ചതില്‍ സന്തോഷം കേട്ടൊ.
എന്റെ ലോകം,
മറ്റൊരാള്‍,
മുരളീ ഭായ്,
ഫൈസല്‍,
ശ്രീ എല്ലാവര്‍ക്കും നന്ദി.
അരീക്കൊടന്‍ മാഷ് എഴുതിയത് വാസ്തവമാണ്.
എന്നാലും ഇന്ഡ്യാ ഹെറിട്ടേജ് ഇങ്ങനെ എഴുതിക്കളഞ്ഞല്ലോ.ഞാനിത് ഒട്ടും പ്രതീക്ഷിച്ചില്ല. ഉം, ചിരിച്ചതില്‍ സന്തോഷമുണ്ട് കേട്ടോ.
ഗിരീഷിനും തങ്കപ്പന്‍ ചേട്ടനും നന്ദി.
ജയരാജ് എന്നെ മറന്നുപോയി എന്നാണ് ഞാന്‍ വിചാരിച്ചത്. വന്നതില്‍ വലിയ സന്തോഷം.
എഴുത്തുകാരി ചേച്ചിക്കും നന്ദി.
നല്ല കഥ.....അല്ല കാര്യം ഉള്ള കഥ.
പൊരുളുള്ള കഥ. പണ്ട് പ്ലാസ്റ്റിക്കൊന്നും ഇല്ലായിരുന്നല്ലൊ. കടലാസ്സു കൂട്ടിലല്ലേ സാധനങ്ങളൊക്കെ പൊതിഞ്ഞു കെട്ടി തന്നിരുന്നത്.
പണ്ട്, എന്ന് പറഞ്ഞാൽ എന്റെ ചെറുപ്പകാലത്ത്, കടലാസ്സിൽ പൊതിഞ്ഞ പഞ്ചസാരയും, തേക്കിലയിൽ പൊതിഞ്ഞ ശർക്കരയും ഒക്കെ നമ്മൾ കൂടെ കൊണ്ട് പോകുന്ന സഞ്ചിയിൽ കടക്കാരൻ ഇട്ടു തരുമായിരുന്നു. ഇപ്പോൾ സഞ്ചി എടുക്കാൻ തോന്നില്ല. കടയിൽ കയറി വീട്ടില് തീർന്നു പോയ സാധനങ്ങൾ അല്ലല്ലോ വാങ്ങുന്നത് . സൂപർ മാർകെറ്റിൽ പോയി കണ്ണിൽ കണ്ടതൊക്കെ വലിച്ചു വാരി എടുത്തു കൊണ്ട് പോരുകയല്ലേ. അതിനു കയ്യിൽ നിന്ന് പണം ചെലവാകുകയുമില്ല. കാർഡ്‌ ഉണ്ടല്ലോ. അടുത്ത മാസം അടച്ചാലും മതി കാർഡിലെ പണം. എന്താ സൗകര്യം...!
Post a Comment