Wednesday, September 9, 2020

വെള്ളകൊക്കുകൾ എന്നെ ഉമ്മ വെക്കണ




ബാലചന്ദ്രൻ ചുള്ളിക്കാട് എഴുതിയ എല്ലാ കവിതകളും മിക്കവാറും ഗദ്യവും ഞാൻ വായിച്ചിട്ടുണ്ട്. എന്നാൽ എനിക്ക് ഏറ്റവും ഇഷ്ടം ബാലൻ എന്നോട് പറഞ്ഞ ഈ വരികളാണ്.. അതോർക്കുമ്പോഴെല്ലാം എൻറെ കണ്ണിൽ വെള്ളം പൊട്ടും.

ഞാൻ ഇല്ലാത്ത കാലത്ത് എൻറെ കുഞ്ഞിനെ ഉറക്കാനായി മടിയിൽ കിടത്തിയിട്ട് ഒരു ബുക്ക് വായിക്കുകയായിരുന്നു ബാലൻ.. അല്പം കഴിഞ്ഞപ്പോൾ മോളുറങ്ങി.

അവളെ കോരിയെടുത്ത് തോളത്തിട്ട് കിടക്കയിൽ കിടത്തുമ്പോൾ വാവ കണ്ണു തുറന്നു. ബാലനെ നോക്കി ചിരിച്ചു.

'എന്തേ.. മോളെന്താ ചിരിക്കണേ' എന്ന് ബാലൻ ചോദിച്ചപ്പോൾ വാവ പറഞ്ഞു.

'ഞാൻ നമ്മുടെ വെള്ളകൊക്കുകൾ എന്നെ ഉമ്മ വെക്കണ സ്വപ്നം കണ്ടൂ അപ്പൂൻറച്ഛാ..'

എന്നിട്ട് അവൾ പിന്നേയും ഉറങ്ങി.

ബാലൻ കരഞ്ഞുകൊണ്ട് തിരിച്ചു വന്ന് പുസ്തകത്തിലേക്ക് തുറിച്ചു നോക്കിയിരുന്നു.

No comments: