ചൊക്ളി 30

04/09/2020

'ആ മാവും പിലാവും ബസ്സോടണ വഴീടെ എതയ്ക്കല് നട്ട്ട്ട് ഒരു കാര്യോല്ല ചൊക്ളിയേ.. പപ്പിന്യോട് അത് പറേണം. സർക്കാര് വനം ന്ന് ച്ചാല് കാട്ണ്ടാക്കല് തൊട്ങ്ങീണ്ട്. ഊക്കാലി, അക്കേഷ ഒക്ക്യാ ബസ്സോള് ഓടണ വഴീല് നട്ട് വെക്കാ..മറ്റേതൊക്കേ എടോഴീല് അവളക്ക് വേണങ്കി കുത്തിയോട്ടേ..'

രാമേട്ടൻ ഒപ്പം നടക്കേര്ന്ന്. ചൊക്ളി മിണ്ടീല്ല. അധികോന്നും മിണ്ടാനറീല്ല. അനാദൻ ചണ്ണക്കാലൻ ന്നല്ലാണ്ട് എന്തിറ്റ് തേങ്ങ്യാണ് ചൊക്ളി മിണ്ട്ണ്.

'അത് മനസ്സീന്ന് കളേരാ ചൊക്ളിയേ… ആ പെണ്ണിന് ലശ്ശം വീട് വിട്ട് വേറേ പാറ്ക്കണം. മ്മ്ടെ ഗോയിന്നൻ മന്ത്രി ദാനം കൊട്ത്ത വീട് വേണ്ടാന്ന്.. പിന്നെ നിൻക്ക് ആരൂല്ല.. പെരേല്ല….പെണ്ണങ്ങള് ചെലേര് ഇങ്ങന്ന്യാ.. ആരാ ന്താന്നൊന്നും നോക്ക്ല്യാ തൊള്ളേലടിക്കണ പോല്യാ ചെലയ്ക്കാ. ആ കോരൻ തന്ത്യാണെങ്കി കേട്ടപ്പളക്കും അവളെ തല്ലി. ചെല പെണ്ണ്ങ്ങളെ തല്ലീട്ടൊന്നും കാര്യല്ല. രണ്ടായി മുറിച്ചാ മുറി കൂടണ എനങ്ങളാ അദികം പെണ്ണങ്ങളും. ഞാൻ വേറേ ഒല് ചൊണക്കുട്ടി തനിതങ്കം പോലത്തെ പെണ്ണിനെക്കൊണ്ടന്ന് തരും നെനക്ക്. നീയ്യ് ഒരു കുടുമ്മായിറ്റ് കഴീണ കണ്ടിറ്റേ രാമേട്ടൻ ചത്തൊട്ങ്ങള്ളടാ…'

ചൊക്ളി ഒന്നും പറഞ്ഞ്ല്ല.

രാമേട്ടൻ പൊഴമ്പള്ളത്ത്ല് അമ്മാമ്മേരേ കടേല് കേറ്റി ചൊക്ളിക്ക് പള്ള നെറച്ചും പോത്തെറച്ചീം കപ്പേം വേടിച്ച് കൊട്ത്ത്. വിശ്ശൊനാദസ്സാമീരെ അവടെ എർച്ചീം മീനോന്നും കിട്ട്ല്ല. പിന്നെ പൊഴമ്പള്ളത്തല്ലേ, അതോണ്ട് മണലും കേറ്റി പോണ വഞ്ചിക്കാര് മീനും ചോറും കപ്പേം പോത്തും ആരും അറ്യാണ്ട് തേക്കെലേല് പൊതിഞ്ഞ് കൊണ്ടന്ന് വിക്കും.

അത് പറ്റണോര് ഒക്കെ നിന്ന നിപ്പില് വാരി മുണുങ്ങാറ്ണ്ട്. വെങ്ങട്ടൂ ഡോക്കിട്ടറും മീൻ പൊരിച്ചതും പോത്ത് വറ്റിച്ചതും തിന്നുന്ന് ജാനൂൻറെ അമ്മ പറയേ..തിന്നേരിക്കും..

ആവോ..

പട്ടമ്മാര് മീൻ ത് ന്നാലും എർച്ചി ത് ന്നാലും വിരോദല്യാ ന്നാലും അവര് പട്ടമ്മാരാന്നും ജാനുൻറെ അമ്മ പറഞ്ഞേരുന്നു. അവര്ക്കാ അതോണ്ട് ജാതിക്കൊറവ് ഒന്നൂം വര്ല്ലാന്ന്.

രാമേട്ടൻ പോയപ്പോ ചൊക്ളി മറിയപ്പാറേരെവടെ പോയി. അങ്ങാടി ദൂസോം ദൂസോം വല്താവാണ്. പ്രാഞ്ചീസിൻറെ മാത്രല്ല ഓട്ടർഷ, പിന്നീം മേത്തമ്മാരും ചോമ്മാരും ഒക്കെ വേടിച്ച്ണ്ട്. ഓട്ടണ്ടേരിക്കും.. അദല്ലേ വേടിക്കണത്.. മൊയ്തീൻക്കേരെ കടേണേങ്കി താറാ കൂട്ടത്തിൻറെന്തിയാണ്.. കടോള് ഇങ്ങനെ വലുതാക്കി കൊണ്ടരാണ്. മൊയ്തീൻ ക്കേരെ കൊറെ ബന്തുക്കളും മറിയപ്പാറേരേ അപ്പറേം ഇപ്പറേം ഒക്കെ പാറ്ക്കണ്ട്.

പപ്പിനിക്ക് കോളായിണ്ടാവും… മേത്തന്മാര്ടെ വീടോളില് ചട്ടീം കലോം വേണം ന്തായാലും. അവള് നല്ലോണം വിക്കണ്ടാവും..

ചൊക്ളി ചെന്നത് പപ്പിനീരെ വീട്ട് ല്‌ക്ക് തന്നേരുന്ന്. സാമീരോടേ പാറ്ക്കാൻ തൊടങ്ങ്യേപ്പിന്നെ ഇങ്ങട്ട് വരല് കൊറവാ. എന്നും പണീണ്ട്ന്ന് മഡങ്ങളില്.. കാശ് എന്നും തര്ല്ല. ഞാറാഴ്ചേണ് തരല്.. അന്ന് ഇത്തരെ ഒയിവ് ഇണ്ടാവും. അങ്ങനേണ് ആലൂര് ശാരത കൊട്ടകീല് പോയി സിന്മ കണ്ടേ.. ശാരത കൊട്ടക തുന്നക്കാരൻ ശങ്കരൻറേണ്.

പപ്പിനീരേ തള്ള തീരെ ആവ്ത് ഇല്ലാണ്ട് കെട്പ്പിലേര്ന്ന്. അബടെ ചെന്നപ്പളേ ചൊക്ളി അറിഞ്ഞൊള്ളോ. ചടച്ച് എല്ലും തോലുവായി തള്ള. വായ തൊറന്ന്ട്ട് ശാസം വലിക്ക്ണ്ട്. നെഞ്ഞ് തെറ്ച്ച് വരണ്ണണ്ട്.

പപ്പിനി കാൽനീട്ടി ഇര്ന്ന് നെഞ്ചത്ത് തവിട് കിഴി കുത്താണ്.

അവള് ചിറിച്ചു.

ചൊക്ളീം ചിറിച്ചു. നെലോളിക്കാൻ പറ്റ്ല്ലല്ലോ.

'നീയെന്തേ പറയാത്തേ..? '

'എന്തിറ്റ് പറേനാടാ.. അമ്മിക്ക് വയ്യാന്നാ...അത് പുതിശല്ല..'

ചൊക്ളി പിന്നെ ഒന്നും ചോയിച്ചൂല്ല.. പറഞ്ഞൂല്ല.

അവളരെ ദണ്ണം ആരറിഞ്ഞില്ലേലും ചൊക്ളി അറീം...അവളോട് എന്തിറ്റ് തേങ്ങ്യാ പറയ്യാ.. ആ കോക്കാച്ചിപെണ്ണ് ചണ്ണക്കാലൻന്ന് ആട്ട്യേറക്കീന്നൊക്കേ പറ്യാൻ പറ്റ്യ നേരോം. പപ്പിനീരെ തള്ള ശാസം വലിച്ച് കെട്ക്ക്മ്പോ…

കൊറച്ച് കയിഞ്ഞപ്പോ ചൂളം മാതിര്യൊര് ഒച്ചേല് തള്ള തല ഒന്നനക്കി. പിന്നൊന്നുണ്ടായില്ല.

പപ്പിനീരെ ഒപ്പം ചൊക്ളീം നെലോളിച്ച് ഒറക്കനെ… ആൾക്കാര് ഓടി വന്നപ്പോ രണ്ടാളും ഓളീട്ട് കരേര്ന്നു...

ചൊക്ളി 29

            

14/08/2020

കൗശല്ലിയേരെ തന്ത സിമിൻറിട്ട തിണ്ണേ പുല്ല്പായ വിരിച്ച് രാമേട്ടനേം ചൊക്ളീനേം ഇര്ത്തി. മുറുക്കാൻള്ളത് പാളപ്പൊതി തൊറന്ന് മുന്നിൽക്ക് നീക്കി വെച്ചു.

മോൻ വെറ്റ തിന്നോന്ന് ചോയിച്ചു..

ചൊക്ളിക്ക് കുളർന്നു. മോൻന്ന് വിളിച്ചൊടങ്ങി ഇപ്പന്നെ..

രാമേട്ടനാ പറഞ്ഞ്. അവൻ വെറ്റ തിന്നേ കള്ളുകുടിക്കേ പൊകേടുക്കേ പൊടി വലിക്കേ ഒന്നും ചെയ്യില്ല.. നല്ല അദ്ദ്വാനിയാ. ങ്ങടെ മോള് രച്ചപ്പെട്ടൂന്ന് കൂട്ടിക്കൊ കോരാ..

കൗസൂ, മോളേ ഇമ്മീണി വെള്ളം കൊട്ക്ക്.. ന്നട്ട് അ കൊള്ളീം ചമ്മന്തീം ഇത്തിരി ചായടെ വെള്ളോം ഇങ്ങട്ടാ എട്ത്തോ.

കൗസുന്നാ തന്ത വിളിക്കണ പേര്… നല്ല പേരണ്. പപ്പിനീനേം കൊണ്ടരണന്ന്ണ്ടാര്ന്ന് ചൊക്ളിക്ക്. രാമേട്ടൻ സമ്മേയ്ച്ചില്ല. പപ്പിനീനെ നാട്ടാര് തോന്ന്യാസം പറേം. അവളേം കൊണ്ട് ങ്ങനെ ഒര് കാര്യത്തിന് പൊർപ്പട്ടാ ചെൽപ്പോ പണ്ടാരായാലോ.

കൗശല്ലിക്ക് പപ്പിനീനെ കാര്യണ്ടോന്ന് ഇമ്മക്കറീല്ല. അവളക്ക് ഇഷ്ടം ഇല്ലാണ്ട് കൊണ്ട് ചെന്നാ വല്യ ബുദ്ദിമ്മുട്ടാവും മൻസ്സിലായാന്നാണ് രാമേട്ടൻ പറഞ്ഞേ..

പെണ്ണങ്ങള് പെട്ടന്നൊന്നും എതൃപ്പ് പറേല്യാ.. പഷേ, മൻസില് കരട് കേറ്യാ എറ്ങ്ങാൻ വെഷ്മാണ്. പെണ്ണങ്ങള് വെറ്ത്താ പിന്നെ വെറ്ത്തന്യാ.. നേരെട്ക്കേരിക്കും വെറ്ക്കാനേ.. ഇന്നാലും വെറ്പ്പ് കേറ്യാ അതവറ്റേരേ നെഞ്ഞത്ത് കല്ലിച്ച് കെട്ക്കും.

ചൊക്ളി മൂളി കേട്ടു.

അവനേത് പെണ്ണിന്യാ അറീയ്യാ..പപ്പിനീന് ആകെനെ ബന്തണ്ട്ന്ന് തോന്ന്യ പെണ്ണൊര്ത്തി.

കൗശല്ലിക്ക് ഏനക്കേട് തോന്നണ്ണോന്നും നി ചിയ്യര്ത്. എന്താ വേണ്ടത് വേണ്ടാത്തത് ന്നൊക്കെ ചോയിച്ചറീണം. കള്ളത്തരം കാട്ടര്ത്. കാട്ട്യാ പെണ്ണങ്ങള് കണ്ടു പിടിക്കും. ചേരപ്പാമ്പിൻറെ കൂട്ടാ … നല്ല വായു ബലാ.. വെഷല്ലെങ്കിലും കടിച്ച് പണ്ടാറാക്കും. കടിച്ച മുറി ഈ ജമ്മത്ത് ഒണങ്ങ്ല്യാ. കളിക്കര്ത്…പെണ്ണങ്ങളോട്. അവളക്കിഷ്ടള്ള അഞ്ച് കാര്യം സന്തോഷ്ത്ത്ല് ചെയ്തട്ട് ഇഷ്ടല്ലാത്ത പയിനഞ്ച് കാര്യം ചെയ്താലും അവള് പോട്ടേന്ന് വെക്കും. അവ്ടെ നിർത്തണ്ണം. ഒള്ളൊള്ള കാലം അങ്ങനെ ചെയ്ത് കഴിഞ്ഞൂടാന്ന് വിചാരിക്കര്ത്.

രാമേട്ടൻ വരണ വഴിക്കൊക്കേം ചൊക്ളീനെ പടിപ്പിക്കേര്ന്നു.

'ഈ ചണ്ണക്കാലന്യാ രാമേട്ടൻ എനിക്കായിട്ട് കൊണ്ടോന്നത്? '

ഒച്ചീം വിളീം കേട്ട്പ്പോ ചൊക്ളി മാത്രല്ല,.അവളരെ തന്ത വരെ ഏൻറ്റാ നിന്ന്.

'ഇനിക്ക് വേണ്ട.. ഈ എഴജന്തൂനെ.'

'കൊല്ലുടി നിന്നേ, പണ്ടാറക്കുരിപ്പേ..' തന്ത കൊടത്തു പെണ്ണിൻറെ ചെള്ളയ്ക്ക്പ്പന്നെ ഒന്ന്..

ചൊക്ളിക്ക് മുള്ളാനും തൂറാനും മുട്ടി. ഈജ്ജാതി പെണ്ണങ്ങള് ണ്ട്ന്ന് രാമേട്ടനറീല്ലേരിക്കും.. അതല്ലേ ഇങ്ങത്തെ പെണ്ണങ്ങള് ഇണ്ടെന്ന് പറയാഞ്ഞേ...അതല്ലെ ഇങ്ങട് കൊണ്ടന്നേ..

രാമേട്ടൻ വിക്കി… പിന്നേം വിക്കി.. പെണ്ണിന് തന്ത കരണം അടിച്ച് പൊകച്ചിറ്റും ഒര് മട്ത്തം ഇല്യ.. ബിമ്മം മായിരി നിക്കന്നെ..

ഒടുക്കം രാമേട്ടൻ പറഞ്ഞു. 'കൗസോ.. ഇത്ത് രി കൂട്തലായി വായേലെ നാവ്. ഇങ്ങനൊന്നും പറേര്ത് നീയ്.. ആര്ക്കാ എപ്പ്ളാ ന്താ വരാന്ന് അറീല്ല…'

'മാർക്കിസ്റ്റ് രാമേട്ടൻ പ് രാക്ണ്… ദൈവല്യാത്തോര് പ് രാകിയാ കൊത്ത്ല്ല രാമേട്ടാ..' പെണ്ണ് ചീറി.

ചൊക്ളി അപ്പന്നെ എറങ്ങി.. ഒന്നും കേക്കാൻ നിന്ന്ല്ല.

അപ്പളാണ് കണ്ടേ.. സറ്ക്കാര് വണ്ടീമ്മേ പുത്യേ തരം ചെട്യോള് കൊണ്ടന്ന് കുയിച്ചിട്ണ്.. പപ്പിനീരേ മാവും പ് ലാവും പറച്ച് പറ്ച്ച് കളേണ്..

ചൊക്ളി ചെന്ന് ഇട്ത്തു ആ മാവും പ് ലാവും...

സറ്ക്കാര് വണ്ടി മുമ്പാക്കോം പോയി..

ചൊക്ളി 28

10/08/2020 

കാൽത്ത് ഇട്ളീം പച്ചോള്ളചട്ണീം കയിച്ച് കാപ്പീം കുട്ച്ച് വിശ്ശൊനാദസ്സാമിടെ മഡത്തിൻറോടെ ചണ്ണക്കാലും ഏന്തി ന്ന് പുല്ല് ചെത്തുമ്പളാണ് ബാലേന്ദരനും ത് ര്ശ്ശൂര് കോളേശി പഠ്പ്പ്ക്കണ സുകുമാഷും ചിറിച്ചോണ്ട് വരണ കണ്ടേ..

എന്തിറ്റാവോ കോള്..


സാമീം കൊടവയറ് കിൽക്കി നല്ല ചിറിയന്നെ..

ഏതാണ്ട് നാട്ട്ല് ഒരമ്പലം തൊറന്നൂന്ന് .. ജോനോമ്മാര് പള്ള്യാക്കി വെച്ചിര്ക്കേര്ന്നു ആ അമ്പലന്ന്. വെട്യോണ്ട് ചത്ത്പോയ ആ ഇന്ത് രാ ഗാന്തീരേ തന്തേണ്ന്ന് അവടെ ഇന്തുക്കൾടെ വിഗ് രം വെക്കാൻ പാടില്യാ പറഞ്ഞേന്ന്. ഉര്ക്കോണ്ട് ണ്ടാക്ക്യ ഒര് മനിക്ഷേനാന് ആ തന്തേനെ അപ്പോ വിഗ് രം തൊടര്ത് ന്ന് ങ്ങ്നെ പേടിപ്പിച്ചേന്ന്..

അദ്ദാന്ന് ആ ഇന്ത് രാ ഗാന്തീരേ കുടുമ്മം അപ്പ്ടി തൊലഞ്ഞേന്ന്.. സുകു മാഷ് ചിറിയോട് ചിറിയന്നേ..

ബാലേന്ദ് രനും ചിറിച് മറിക്ക്ണ്ട്.

ഇപ്പോ ഇന്തുക്കള്ക്ക് അമ്പലം തൊറന്നോണ്ട് ഇന്ത് രാ ഗാന്തീരേ ഈ മോൻ രച്ചപ്പെടുന്ന്…

ചൊക്ളി ക്ക് കല്യാണ് വന്നത്..

അല്ലെങ്ക്യന്നെ അമ്പലം മുട്ടീട്ട് നട്ക്കാൻ തൊയിരല്ല.. കോടംകരേന്ന് മറിയപ്പാറേരെ അവ്ടെ ദേശോളക്ക് ആവ്മ്പോ അയ്യപ്പങ്കുന്നാവല്.. ചെട്ടിച്ച്യോളടവ്ടെ മാരിമ്മൻ കൊയില്.. മഠത്തീക്കേറ്റം കയിഞ്ഞ് പൊഴമ്പള്ളത്ത് എത്ത്യാ സാമീരവ്ടെ കണ്പതീമ്പലം. വാറോട്ട് മനേരേ ശിവൻറെ ആലൂരമ്പലം, കല്ലെട്ടിപ്പാടത്തിൻറവ്ടെ ചാത്ത്ൻറെ മ്പലം.

കോടംകരേല് പള്ളി..

അത്താണീക്കേ ഒര് കയ്പ്പോള…

ആ നാട്ട് ലും ണ്ടാവില്ല്യേ ഇങ്ങത്തേ ഓരോരോ അമ്പലങ്ങോള്.. അതേ, ആ നാട്ട് ല് ആകനെള്ള ഒരമ്പലം ജോനോമ്മാരടെ അട്ത്താര്ന്നാ ചെന്ന് പെട്ടത്...ചെൽപ്പോ അങ്ങനേരിക്കും..അതേരിക്കും ഇന്ത് രാ ഗാന്തീരേ മോൻ തൊറന്നൊട്ത്ത്ത്.

ആവോ.. തൊറക്കേ അടക്കേ എന്ത് പണ്ടാരേലും ആയോട്ടേ..മ്മക്ക് എന്തിറ്റാ കാരിയം..

ഓട്ടമ്പനീല് പണിക്ക് പോണ കൗശല്ലിയാന്ന് ഒര് പെണ്ണിൻറെ കല്യാണക്കാരിയം പറഞ്ഞ് അന്നന്നേര്ന്ന് രാമേട്ടൻ വന്നേ.. വെങ്ങട്ടൂ ഡോക്കിട്ടറ്ടെ അവടെ. അവര് പെലേമ്മാര്ണ്ന്ന്. അതെന്തിറ്റാവോ.. ചൊക്ളി ആരായിറ്റാ..

പെണ്ണല്ലേന്ന് ചോയിച്ച് ചൊക്ളി..

രാമേട്ടനും വെങ്ങട്ടൂ ഡോക്കിട്ടറും അതേട്ട്
ചിറിക്കണ്ടാര്ന്നു..

അപ്പനും ഒര് മോളുംള്ളോ. ലശ്ശം വീട്ണ്ട്. അപ്പൻ പണിക്ക് പൂവ്വും. അപ്പൻറെ കാലം കയിഞ്ഞാ ഒക്കെ പെണ്ണിൻറന്ന്യാ.. ചൊക്ളി ഒരീസം ചെന്നാ അതങ്ങട്ടൊറ്പ്പിക്കാര്ന്ന്..

ചൊക്ളിക്കോന്നി രാമേട്ടൻ സൊന്താന്ന്.. കാരണോരാന്ന്.. ഒര് പെണ്ണ്ണ്ടാവ്ണം.. ങനെ ഒറ്റക്കുറ്ക്കനായാ പോരാന്ന് ഈ ആവതില്ലാത്തോടത്തും രാമേട്ടൻറെ നെഞ്ഞില് തോന്നീലോ..

ഒര് പരിചല്ലാത്ത പെണ്ണിനേ വിജാരിച്ച് ങ്ങനെ ഇര്ക്കാനും ണ്ട് ഒര് സുകം.

വെങ്ങട്ടൂ സാമീം രാമേട്ടനും പൊറുപൊറാന്ന് മിണ്ടണ്ട്. കേക്കുമ്പോ അമ്പലം തൊറന്നതന്ന്യാ.. ഏതാണ്ട് നാട്ട് ല് അമ്പലം തൊറന്നേന് ഇവര്ക്ക് എന്താവോ..

ആലൂര് സെൻററീല് രാമൻറെമ്പലം വര്ണ്ട്ന്ന്. നന്നായില്ലെന്നും.തുന്നക്കാരൻ ശങ്കരൻറെ പേറ്ഷക്കാരൻ മോനാത്തറെ കാശെറ്ക്ക്ണ്. ചൊക്ളിക്കാ രാമേട്ടനാ പണ്യാമ്പറ്റോ അമ്പലം. കാശ്ള്ളോര്ക്കാ പറ്റാ അമ്പലോം കയ്പോളേം പള്ളീം പണിയാമ്പറ്റാ.. ചെറ് മൻ ചെക്കൂം ചൊക്ളീം ഒക്കെ അവടെച്ചെന്ന് ന്ന് ൻറെ ദൈവേന്ന് വിള്ക്കും. അമ്പത് പൈസീടും കാണ്യക്ക..അല്ലെങ്കി ഒരുറുപ്പിയ..

ചൊക്ളി വന്നന്തിയല്ല, ഇപ്പോ സലങ്ങള്.. പേറ്ഷക്കാര് ണ്ട്. ഓട്ടമ്പനീല് പണീള്ള പെണ്ണങ്ങള് ണ്ട്...ബസ്സോള് അദികണ്ട്. പൂയ്ന്ന് വിളിച്ച് മീൻ കൊണ്ടോണ സൈക്കള്കാര്ണ്ട്..

ഇഞ്ഞീം അമ്പലോം പള്ളീം ഒക്ക്യങ്ങട്ട് വരട്ടേന്നും… ഒക്കെ നല്ലതല്ലേന്നും...

ചൊക്ളി 27

                     03/08/20

ഇങ്ങ്നെ ആവും ജീവതെന്ന് ചൊക്ളി ക് നാവ് ലും കൂടി കണ്ട് ണ്ടാര്ന്ന്ല്ല..

ഓരോരോ അതിശങ്ങള്.. അല്ലാണ്ട് എന്ത്ന്നാ പറയ്യാ..

പപ്പിനി കേട്ടപ്പ്യന്നെ സമ്മേയ്ച്ചു. വിശ്ശൊനാദസ്സാമീരവ് ടെ നിന്ന് പൺതോളാൻ..

ഒര് ജീവതം വേണ്ടേരാ ന്ന്..

അങ്ങ്നെ അദ്ദായി. മയിലീനേ അവളരെ അത്താൻ കെട്ടുന്ന്… മയിലീനേ ചൊക്ളി ക്ക് വെല്യേ ഇഷ്ടാര്ന്ന്.. മയിലിക്ക് അവളരെ അത്താനെ വെല്യേ ഇഷ്ടാര്ന്ന്..

പപ്പിനീം പൊക്കോളാമ്പറഞ്ഞ്പ്പോ ചൊക്ളീരെ നെഞ്ഞ് പൊട്ടി.. പപ്പിനി ചൊക്ളിക്ക് ആരാന്നറീല്ല.. ഇന്നാലും ആരോ ആര്ന്നു.. എന്ത് റ്റാ ബെന്തം ന്ന് അറീല്ല.. ഇന്നാലും ബെന്ത്ണ്ടാരുന്നു.

ഇന്നട്ടും ഒക്കേം അത്ര്യന്നെ ള്ളോ..

ചൊക്ളി ആരുല്യാത്തോനാണ്ന്നേ..

അത് മാറ്ല്യാ.

സാമീരോരേ വന്ന് കൂട്യപ്പോ ഏതേരോം പണീണ്. ഒരെണ്ണാ കഴീമ്പളക്കും അട്ത്തതാ തരും.. ആ ലളിതമ്മ്യാര് ഏങ്ങപ്പ്ശാശ് പോലെ ഇരിക്കണൂച്ചാലും പണ്യെടുപ്പിക്കാൻ നല്ല തൊരാണ്.. താമരച്ചേട്ത്താരെ അമ്മ്യാരേ വാല്മ്മേ കെട്ടാനെ പറ്റ്ള്ളോ.. ഇങ്ങനേണ്ടോ ഒര് അതിസാമർത്തം.

പണ്യന്നെ പണി..

പൊഴമ്പള്ളത്തിൻറെ തൊട്ട് അരീത്തായി കൊറെ മുറിയോള് പണ്ത്ണ്ട്. പണിക്കാര്ക്ക് പാറ്ക്കാൻ…

കുളിക്കാൻ പൊഴേലിക്ക് രണ്ട് കടവോളും.. ആണങ്ങക്കും പെണ്ണങ്ങക്കും ആയിറ്റ് പൊഴമ്പള്ളത്തിൻറെ ഒരര്ക്കപ്പടി സാമീര്യല്ലേ..

പറമ്പിൽ ക്ക് മോട്ടൊറ് വെച്ച് വെള്ളട്ത്ത് എല്ലാ തെങ്ങും കവ്ങ്ങും കണ്ട കടിച്ചാദി ചെട്യോളും ഒക്ക്യങ്ങട്ട് ആണി വെച്ചാ ചാലുമ്മേ കൂട്യൊഴുക്ക്ല്.. അത് മോട്ടറ് കടവ്..

പട്ടര് കടവ്.. സാമ്യോളക്കും അമ്യാരോള്ക്കും കുളിക്കാൻ.. അതിൻറെ നടൂല് കല്ല് കെട്ടീണ്ട്. തമ്മാമ്മില് കാണ്ണാമ്പറ്റ്ല്ല.

മറപ്പെരോളും ഇണ്ട്.. അഞ്ചെട്ടെണ്ണം.. ബസ്സോടിക്കണോര്ക്കും കാശ് വേടിക്കണോര്ക്കും കിള്യോൾക്കും ബസ്സോള് നന്നാക്കണോര്ക്കും ഒക്കേം വേണല്ലോ മറപ്പെര…

ചൊക്ളി എങ്ങട്ടും നോക്കീല്ല.. ലളിതമ്മ്യാര് പറഞ്ഞ പണ്യൊക്കെ ഇട്ത്തു. വേറെ എന്തിറ്റ് തേങ്ങ്യാ ചെയ്യാ.. പണീട്ത്തോണ്ടിര്ന്നാ കണ്ണിക്കണ്ട വിചാരങ്ങള് വര്ല്ല.. ആരൂല്ല.. തന്നയ്ക്കാണ്… രവ്യേട്ടൻറെ വേനേം നെലോളീം ഒന്നും ഓർമ്മേലിക്ക് വരില്ല… പപ്പിനീനേം മയിലീനേം ഒക്ക്യങ്ങട്ട് മറക്കന്നേ..

ജാനു ഒന്നും പറേല്യാ.. അവളരെ അമ്മേണ് വര്ത്താനിക്കല്. അവര്ക്ക് അറിയാത്ത ഒര് കാര്യോം മറിയപ്പാറേരെ അവ്ട്ന്ന് ആലൂര് സെൻററ് വരേ ഇണ്ടാവില്ല.. തുന്നക്കാരൻ ശങ്കരൻറെ മോനേണ് ആലൂര് സെൻററിലെ പർമാണി. പേർഷേല് നല്ല വരായയ്യിണ്ട്. അത് ന് പാഗത്ത് ല് ആലൂര് സെൻറര് നന്നാക്ക്ണ്ട്.. ഹിന്നുക്കളേം ക്രിസ്ത്യാനിയോളേം ഓരോരോ പേർഷ നാടോളില്ക്ക് പണിക്ക് കൊണ്ടോണ്ട്. മേത്തമ്മാരെ കൊണ്ടോവില്ല.. അവറ്റ അല് മ്പോളാന്ന്..

ആ പപ്പിനീല്യടാ.. ചൊക്ളീയേ.. രവ്യമ്പ്രാൻറെ കൂട്യാ കെട്ന്ന് ആ വയ്യാത്ത തമ്പ് രാനെ കൊലയ്ക്ക് കൊടുത്തോള്… അവള് റോട്ട്ലൊക്കെ എതക്കേ നോക്കി മാവും പ്ളാവും വെക്കണ്ട്.. തലക്ക് സുഗല്യാണ്ടായേരിക്കും.. എല്ലാരും പേർഷേക്കാരായീ ഓട്ടർഷേം കാറും വേടിച്ചാ പിന്നെ റോട്ട്ലൊക്കെ എന്ത് നാണ്ടാ തണല്..

കാശ്ണ്ടെങ്ങേ മനിഷേമ്മാര്ക്കാ കടേന്ന് വാങ്ങിത്തിന്നാൻ വെഷ്മം.. അവളരെ ഒര് ചക്കേം മാങ്ങേം..

ചൊക്ളിക്ക് അത് മൻസ്സിലായ്ല്ല.. ജാനൂൻറമ്മ എന്ത് നണ് പപ്പിനീരേ മേക്കട്ട് കേറണേന്ന്..

പെണ്ണങ്ങള് അങ്ങന്യാന്ന് പറ്ഞ്ഞൂ.. ബസ്സിലെ കിളി രാഘവേട്ടൻ..

ആവോ.. അങ്ങനേരിക്കും..

ചൊക്ളി 26

                    

29/07/2020 

വിശ്ശൊനാദസ്സാമീരെദ് വീടല്ല, മഡാണ്. അത് വീടല്ല..മഡോല്ല.. ആസ്പത്രിയാന്നാ ചൊക്ളിക്ക് തോന്നീത്. എട്ടേക്കറ് പറ്മ്പാണ്.. ഏയ് മക്കള്.. ആറ് മഡങ്ങള്.. പിന്നെ സാമീം ലളിതമ്മ്യാരും രാമേന്ദ്രൻ ഡോട്ടറും കൂടി പാർക്കണ വല്യ മഡോം..

താമരച്ചേട്ത്താര്ക്ക് മൂന്ന് ബസ്സ്. സാമീരേടോടെ അഞ്ചു ബസ്സ്.. അദ്ല് സാമിക്ക് വാശീണ്ട്.. ചേട്ത്താര് മൂന്ന് ബസ്സ് ഓരോന്നായി വേടിച്ചപ്പോ സാമി ഒന്നിച്ചാ വേടിച്ചു അഞ്ച് ബസ്സ്. എല്ലാ ബസ്സോള്ക്കും ഒര് പേരന്നെ… മഡത്ത്ലെ മോട്ടറ്സ്. പഴേ ലള്ത ബസ്സും ദിനേസ ബസ്സും ഒക്കെ പോയി. പുതിയ ബസ്സോളായി.

പൊഴമ്പള്ളത്തിൻറെ ഒര് പാകത്ത് താമരച്ചേട്ത്താര്.. മറ്റേ പാകത്ത് സാമി..

സാമീരെ മക്കളൊക്കീം ഡോട്ടറുമാരണ്. ഒക്കേം ഓരോ മഡത്തിലാണ്. വൈന്നാരായ ആൾക്കാര് വന്നൊടങ്ങും.. കാലത്ത് അവര് എല്ലാ ഡോട്ടറ് മാരും സറ്ക്കാര് ആസ്പത്തരീല് പണിക്ക് പൂവ്വൂം.. വൈന്നാരാണ് മഡത്തില് ആസ്പത്തരി തൊറ്ക്കല്..

ചൊക്ളി ക്കങ്ങട് സാസം മുട്ട്യൊടങ്ങി.. ചെന്നപ്പ തന്നെ..

പറേമ്പോ ചണ്ണക്കാലൻ..

ചിയ്യണ്ടാത്ത പണീല്യാ..

പട്ടേം നാളിയേരോം പറക്കല് മൊതല് ഡോട്ടറ്മാരടെ പഞ്ഞി വരെ എട്ത്ത് ചുടണം…

ഉഷമ്യാര് ഡോട്ടറ് പെണ്ണങ്ങള്യാ നോക്കാ.. പേറും കെർപ്പോം..

രാമേന്ദരൻ ഡോട്ടറ് എല്ലാറ്റിങ്ങളേം നോക്ക്ല്ണ്ട്. ആ ഡോട്ടറ് സാമീൻറെ മോൻന്ന് ദിനേസ്. തലേൻറേം നെരമ്പിൻറേം ഡോട്ടറാവാൻ പഡിക്ക്ണ്.. കോയിക്കോട്..

പ് റേമമ്യാര് ഡോട്ടറ് കുഞ്ഞിയോള്യാ നോക്കല്.. യേത് നേരോം കുഞ്ഞിക്കരച്ചലും തള്ളാര് രെ വാവോ പാട്ലും..

കിഷണമൂത്ത് രി ഡോട്ടറ് കാലും കൈയും ഒടിഞ്ഞോരേ.. നടൂം തല്ലി വീണോരെ.. തെങ്ങ്മ്മ്ന്ന് വീണോരേ..ഒക്ക്യാ നോക്ക്ല്.

സുന്നര് ഡോട്ടറ്.. പല്ല്മ്മ്യാണ് കളി.. ഡോട്ടറ്ടെ പല്ല് നല്ല തെള്ക്കാണ്.. ഒര് കേട്ല്ല..

നെഞ്ഞ് നോക്ക്ണ്ട്.. ജെയരാമൻ ഡോട്ടറ്.. അദികോം വയസ്സായോരാ.. നെലോളിട്ട് വരാ അവടെ..

എപ്പളും ചിറിക്കണ ഒര് ഡോട്ടറ്ണ്ട്. ചെവിടും മൂക്കും തൊള്ളേം നോക്കും. ക്ടാങ്ങളും തള്ളാരും ഒക്കെ വരൂം. അ ഡോട്ടറ്ക്ക് എപ്പളും സന്തോഷ്ണ്. ചിറിക്കാണ്ട് പൂവ് ല്യാ.. 'എന്താ.. സുഖല്ലേ..വെഷമൊന്നുല്യല്ലോ' ന്ന് ചോയിക്കും. വെങ്ങട്ടൂന്ന് വിശ്ശൊനാദസ്സാമിം ലളിതമ്മ്യാരും വിള്ക്കണ കേക്കാം..മ്മ്ടെ രാമേട്ടൻ എടയ്ക്ക് വരല്ണ്ട് അവടെ.. ആവത് ഇല്ല. ഇന്നാലും വരും...

പണിക്കാര്ക്ക് താമേയ്ക്കാൻ സലണ്ട്. മൂന്നേരോം തിന്നാനും ണ്ട്. കാൽത്ത് കാപ്പി.. ഇഡ്ഡലി.. ഉപ്പാവ്, കോയിക്കോട്ട, പച്ചൊള്ളം പോലത്തെ ചട്ടിണി.. വൈന്നാരം ചായ.. വട.. അല്ലേങ്ങി ബോണ്ട ഉച്ചക്ക് ചോറ്, കൊണ്ടാട്ടം, സ്രോന്ന് സാമ്പാറ്.. അല്ലെങ്കി ചേമ്പ് പുളിങ്കറി, ഓരോരോ എലോളും ചേനേം പടേറ്റി കായേം കൊറേ പച്ചമൊളകും ഇട്ട് വെളിച്ചെണ്ണ തളിച്ച് വേവിച്ച് ത്. പച്ചൊള്ളം ഉമ്മിണി ഒയിച്ച സമ്പാരം..

ഒക്കേം എന്തോരം വേണങ്ക്ലും ത് ന്നാം. ആരും ഒന്നും ചോയിക്കില്ല.. പണിക്കാര്ക്ക് തിന്നാൻ വെക്കണത് ജാനൂം അവളരെ തള്ളേം മുത്താച്ചീം കൂടീറ്റാണ്..

ജാനൂനെ ആണങ്ങള് പണിക്കാര് കുത്തിത്തൊള്ച്ച് നോക്ക്ണ്ട് ന്ന് ചൊക്ളി ക്ക് തിരിഞ്ഞു. മോറ് കണ്ടാ മടുത്തോന്നുല്ല. മുമ്പട്ട് കൊറേ മൊലേണ്ട്. പിമ്പട്ട് വല്യ ചന്ത്യോളും.. പിന്നെ കൊറേ തൽമുടീണ്ട്. അത്ണ് അവള് വെള്മ്പാൻ വരാത്തദ്. ചെന്ന അന്നന്നെ മുത്താച്ചീം ജാനൂൻറെ തള്ളേം ചൊക്ളീം കൂട്യായി വെള്മ്പല്.

വിശ്ശൊനാദസ്സാമ്യാ പറഞ്ഞേ…'മറിയപ്പാറേരെ മാപ്പള്ളാരെ എടക്കും കൊശത്തിയോളടേം ചെട്യച്ചോളടേം എടേലോന്നും പോണ്ട് രാ ചൊക്ളിയേ… നീയ് ഇബടെ കെട്ന്നോ.. നിനക്ക് എബടെ കെടന്നാല്ന്താ…. ആരൂല്യല്ലോ എബട്യായാലും..'

ചൊക്ളി ഒന്നും മിണ്ടീല്ല..

മയിലീനേം പപ്പിനീനേം കാണാണ്ടിര്ക്ക്ണ്ടേന്ന് ഒര് ദണ്ണപ്പാട് വന്ന് കേട്ടപ്പോ..

മയിലി ചിറിക്കും.. വാറ്റണ്ട.. അത് കെട്ട വേലൈ ന്ന് പറയും. അവള് ചിറിക്കണ കാണ് മ്പോ ഒര് കുള് ര് വര്ല്ണ്ട്. അവ് ളായിറ്റ് ഒരിസ്സ്ടം വന്നതാർന്നു..

സാമീരോരേ താമയിച്ചാ വാറ്റ് നിക്കും.. അത് മയിലിക്ക് ഇസ്ടാവും..

പപ്പിനി പണീട്ത്ത് കയിഞ്ഞോളും. വാറ്റും കലം ചോക്കലും ..

ഇന്നാലും പപ്പിന്യോടൊന്ന് പറേണം. ഇന്നട്ട് മതി സാമീരോരെ സ്തിരം നിക്കല്.. താമയിക്കലും..

ചൊക്ളി 25

26/07/2020 

                                 

എട്ടുപത്തൂസം കയിഞ്ഞിറ്റാണ് മറിയപ്പാറ അങ്ങാടീല് പഴേ പോലെ ആളോള് വരലും പൂവ്വലും ഒക്ക്യായീത്.. ആകനെ ആരൂല്യാത്ത മാതിര്യാര്ന്നു അങ്ങാടി.

പപ്പിനീനേ എന്ത്ന്നാണ് പറേണ്ടേന്ന് ചൊക്ളിക്ക് തിര്ഞ്ഞില്ല്യ. അവ് ള് ഇന്ത് രാ ഗാന്തി ചത്തൂന്നറിഞ്ഞപ്പോ മുപ്പാട് പ് രാക്യൊടങ്ങി..

'നന്നാച്ച്..നന്നാച്ച്.. അപ്പടി വേണം. എരന്ത്ട്ട് പോയാച്ഛേ.. രവി അണ്ണാ..'

പറേണട്ടാ തോന്നാ ഇന്ത് രാ ഗാന്ത്യാണ് രവ്യേട്ടനെ കൊന്നത് ന്നാ..

പ് രാക്കന്നെ പ് രാക്കന്നെ.. ഏതേരോം..

ചത്ത് പോയി.. ആ തള്ളേം.. അവരേ വല്യേ മോനാത്തറെ ഇപ്പ ഈ രാജിയം ബരിക്കണേ..

പപ്പിനീരേ മൻസ്സ് ല് എന്ത് തേങ്ങ്യാന്ന് ചൊക്ളി ക്ക് അറീല്ല..

ഇന്ത് രാ ഗാന്തി വെട്യോണ്ട് ചത്ത് പോയ്ത് കൊറെ രവ്യേട്ടമ്മാര് രെ ദണ്ണപ്പെട് ലാന്ന് പറേം. അവര്യൊക്കെ കൊന്നോരെ കൂട്യാര്ന്ന് ആ തള്ളാന്ന് പറേം… അവ് ര്ക്ക് എപ്പളും രാജിയം ബരിക്കണേ ര്ന്ന്ന്നൊക്കെ പറേം. ഇന്ത് രാ ഗാന്തീരേ എളേ മോൻ ബിമാനത്ത്ന്ന് വീൺട്ടാണ്ണ്ന്ന് മെരിച്ചേ..ഇബള്ക്ക് ഇയ്യാതി കാരിയങ്ങള് ആരാണ്ട്റാ കാട്ടിക്കൊട്ക്ക്ണ്.. മെരിച്ചില്ല്യേ.. അയിന് പ്പന്താ..

രവ്യേട്ടനെപ്പോലെ ദണ്ണപ്പെട്ടോര്ടെ പ് രാക്കാന്ന്, അവര്യൊക്കെ ബന്തക്കാര്ടെ പ് രാക്കാന്ന് അയ്യാള് ങ്ങനെ സീൽസ്യൊന്നും ചിയ്യാൻ പറ്റാണ്ടേ ചത്തുപോയേന്ന്.. മെരിക്കണേന്ന് മുപ്പാട് ഇന്ത് രാ ഗാന്തിക്കും വന്നൂലോ മോൻ മെരിച്ച ദണ്ണം..

അങ്ങനേരിക്കുന്ന് വിശ്ശോസിച്ച് ഇര്ന്നാ അപ്പ പപ്പിനീരേ പറച്ചലാ വേറ്യോണാവും. അത് ആ പോളീല് പടിപ്പിക്കണ ബാലേന്ദ് രൻറെ വർത്താനം കേക്ക് മ്പളാണ്..

പപ്പിനീരേ തലയ്ക്ക് ഓളണ്ട്ന്ന് അപ്പോ തോന്നും ചൊക്ളിക്കും…

ബാലേന്ദരൻറെ താടീം ചന്യാസ്യോളടെ പോലത്തേ മുണ്ടും നെറ്റീമ്മത്തേ ചന്തനക്കുറീം ഒന്നുഷ്ടല്ല പപ്പിനിക്ക്.. ചന്യാസ്സോളേം ഇഷ്ടല്ല..

ബാലേന്ദരനാ ഇന്തരാഗാന്തി ചത്തത് അങ്ങട്ട് ഇഷ്ടായിത്… അങ്ങാടീല് ര്ന്ന് പറയ്യേര്ന്നയ്യാള്..

അവളാരുടെ മോനേ വിളിച്ച് ദൈവം ആദ്യം.. പിന്നേ ഇപ്പോ അവളാരേം.. അവളാരുടെ അച്ഛനും ആ ഗാന്ധീം കൂടിയാണ് ഹിന്ദുക്കളുടെ നാട് മേത്തന്മാര്ടെ ആക്കീത്.. എന്നിട്ട് അവളാരുടെ തന്ത ഹിന്ദുക്കളെ വെലക്കി. ഹിന്ദുക്കള് നമ്മള് ചോദിച്ചില്ല്യങ്കിലും നമ്മടെ ദൈവങ്ങള് ചോയിക്കും. സിക്ക് കാര് ഹിന്ദുക്കള് തന്നേണ്.. മാപ്ളേം ജോനോനും അല്ല..

ചൊക്ളിക്ക് ഒരു കുന്തോം അങ്ങട്ട് തിരിഞ്ഞ്ല്ല.

പപ്പിനീരേ ഒച്ച്യാ പൊങ്ങീലോ അങ്ങാടി പൊളിക്കണോണം..

'ആണ്ടവൻ ഗുണ്ടായാ ന്നാ.. എളുപത് വയസ്സാത്തിയെ തുപ്പാക്കിയാലെ കൊണ്ണുപോട്ടാ അത് മശിര്.. അശോക്കിയ പശലേ. ഇന്തുവാ.. യാര് ഇന്തു…നായാര് ഇന്തുവാ..'

പപ്പിനീരേ കൈയും പിട്ച്ച് ചണ്ണക്കാലും വലിച്ചെഴച്ച് ചൊക്ളി അങ്ങാടീന്ന് വീട്ടിൽക്കാ എത്തി..

അവളക്ക് നട്ടപ്രാന്തന്ന്യാ.. ഇന്ത് രാ ഗാന്തി ചത്ത്ത് അവളക്ക് ഇപ്പോ വേണ്ടാന്ന് ആയ്യാ.. എന്തിറ്റ് പണ്ടാര്ണ് പപ്പിനീരേ മൻസ്സ്ല്. ഒര് കാര് യ്യം രണ്ടോണം പറയ്യേ… ചത്ത്ത് നന്നായിണ്ട്.. കൊന്നത് കൊഴപ്പായീണ്ട്.. കൊല്ലാണ്ടെങ്ങ്ന്യാ ചാവണേ..

ആ ബാലേന്ദരൻ ഒര് ജാതി അല്മ്പ്ണ്. അയ്യാള്ക്ക് സറ്ക്കാര് ജോലീണ്ട്. വല്ല ഊദ്രവോം വന്നാ എങ്ങ്ട്ട് പോവ്വാന്നാ..

കൊർച്ച് കയിഞ്ഞപ്പോ ചൊക്ളീക്ക് തിരിഞ്ഞൊടങ്ങി… രവ്യേട്ടൻ ന്നല്ല ഇന്ത് രാ ഗാന്തി ന്നല്ല ആര് ചത്തൊട്ങ്ങിറ്റാലും പപ്പിനിക്കും അവളരെ തള്ളക്കും ചൊക്ളി ക്കും കഞ്ഞുടിക്കണങ്കി വാറ്റണം.. പണിക്ക് പോണം.. കലോം കൊണ്ട് തെണ്ടണം…

മൊയ്തീൻക്കേരെ കൊറേ ബന്തക്കാര് മറിയപ്പാറേരെ അരീത്തൊക്കെ വന്നൂടി. കടേല് നല്ല കച്ചോടണ്ട്. വന്നോര്ക്കൊക്കെ മൊയ്തീൻ ക്ക പണ്യോളും കൊടക്കണ്ട്.. ഓരോ പലകാരങ്ങള് ഓരോത്തരാണ്ടാക്ക്ണ്.. ഒക്കേം ഇബടന്നെ ചെൽവാവ് ല്ല. അത് പ്രാഞ്ചീസിൻറെ ഓട്ടർഷേല് തൃശൂര്ക്ക് കൊണ്ടോയി തീറ്റക്കഡോള്ളാ കൊട്ക്കും..

ഒരീസം പ്രാഞ്ചീസാ പറഞ്ഞ്.. വിശ്ശൊനാദസ്സാമീരോട പണീണ്ട്ന്ന്..ചൊക്ളി പോയ്യാ കിട്ടുന്ന്..

വാറ്റ്ണ്ട്.. പപ്പിനീരൊപ്പം.. ഉച്യാമ്പോ അവള് കലോം കൊണ്ട് പൂവ്വുമ്പോ ചെട്ടിച്ച്യോളടവ്ടെ പണിക്കാ നിക്കും.. അങ്ങനേന് മയിലീനെ പരിചായിത്… വാറ്റ്ണ്ടാന്നാ മയിലി പറേണ്..

അത് ങ്ങനെ നിർത്തണ്ട്യേരുന്ന് വിജാരിച്ചന്നെ ല്യ..

ചൊക്ളി 24

24/07/2020

                                                              

ഒര് രവ്യേട്ടൻ ചത്തോണ്ട് ഈ ലോഗവസാനിക്കോ ...ഇല്ല്യ. സറ്ക്കാര് തൊലയ്യോ..രവ്യേട്ടനെ അടിച്ചും ഉര്ട്ടീം കൊന്നോര്ക്ക് വല്ലതും പറ്റോ..

ഒന്ന്ല്ല..

ഇഞ്ഞീം ഇങ്ങനെ മനിഷേരേ സറ്ക്കാരും പോല്ലീസാരും കൂടി തല്ലിക്കൊല്ലും..ചവ്ട്ടി തണ്ടെല്ല് ഒടിക്കും.. തോക്കോണ്ട് വെടി വെക്കും..

ഒക്കേം കയിഞ്ഞു ഞങ്ങളല്ല ചീതേ.. അത് മറ്റോരാന്ന് പറഞ്ഞ്ട്ട് ഓട്ട് ചോയിച്ചും വരും..

പപ്പിനീരേ തലക്ക് ഓളായീന്നാ അവളടെ പെറ്റതള്ള പറേണത്. ചൊക്ളിക്കും തോന്നാണ്ട്ര്ന്ന്ല്ല..നട്ടപ്രാന്തായീന്ന്..കലോം കൊണ്ട് തെണ്ടിത്തിരിഞ്ഞ് പോണ്ല്യ. വാറ്റ്ണില്ല.. കുടുമ്മത്തെ ഒര് പണീം ഇട്ക്ക്ണ് ല്യ.

ഏത് നേരോം ചായ്പ്പില് ന്നെ.. ഇര്പ്പ്.. നെലോളി.. സറ്ക്കാരേം പോല്ലീസാരേം നാട്ടാരേം ഓരോന്ന് പറഞ്ഞ് പ് രാകല്..

ചൊക്ളി ഇപ്പോ എന്നും എറേത്തന്നെ ആയി കെടപ്പ്.. ആ തള്ളേം നെലോളിച്ച് നെല തെറ്റി നിക്കണ പപ്പിനീം മാത്രല്ലേ കുടീല് ള്ളോ. പാറേമ്മെ കെട്ക്കാൻ പറ്റാണ്ടായീപ്പോ ചായ്പ്പീല് എടം തന്നോളാണ് പപ്പിനി. അത് മറ്ക്കാൻ പാടോ.. ആ രണ്ട് പെണ്ണ്ങ്ങള് കഞ്ഞുടിച്ച് പോണത് ചൊക്ളി പണി ഇട്ക്കണോണ്ടാന്നായ്ണ്ട് ഇപ്പോ.

താമര ചേട്ത്താര് പിന്നീം വേടിച്ച് ഒരു ബസ്സും കൂടി.. ഇപ്പോ മൂന്ന് ബസ്സായി അവരടെ.. വിശ്ശൊനാദസ്സാമീരെ രണ്ട് ബസ്സ് ണ്ട്. താമര ചേട്ത്താര് ഒരൂസം വൈന്നാരം കൊറച്ച് പത്തിൻറേം രണ്ട് മൂന്ന് നൂറിൻറേം നോട്ട് എട്ത്ത് തന്ന്ട്ടാ പറ്ഞ്ഞു.

'ടാ, ചൊക്ള്യേ, ഇഞ്ഞ്യൊട്ട് നീയ്യ് വരണ്ട.. പണിക്കേയ്.. ഈ ചണ്ണക്കാലോണ്ട് ഏന്ത്യടന്ന് പണ്ത്ട്ട് എന്താക്കാന്ന്ണ്.. പാവല്ലേച്ച്ട്ട് നിറ്ത്തി തീറ്റേം കാശും തരേര്ന്ന്.. ഞാൻ. അല്ലാണ്ട് നീയ്യ് പണ്ത്ട്ട് ഇബടെ എന്ത് തേങ്ങേരേ മൂടാണ്ടായ്ത്..

നീയ്യാ പോക്കോ.. ഇഞ്ഞിങ്ങട് വര്ണ്ട.'

ചൊക്ളി ക്ക് താമരച്ചേട്ത്താരെ ഒറ്റച്ചവ്ട്ട് കൊട്ത്താലോന്ന് തോന്നി. ഇന്നാലും ഇദ്ദാണ് എപ്പളും കാശ്കാരേ തൊരം..

പണീട്പ്പിക്കാൻ ഓരോന്നോരോന്നായി പറേം.. എറ്ച്ചീം കൊർച്ച് കൊള്ളിക്കെഴങ്ങും ചോറും തരും. അവര്ക്ക് വേണ്ടാണ്ടായാ അപ്പോ 'പട്ടി പോ, പട്ടീന്ന് ' കല്ലെടുത്ത്റിഞ്ഞോടിപ്പിക്കും..

പണീട്ക്കുമ്പോ ചിറിച്ചേർന്ന പെണ്ണങ്ങള് പണീല്യാണ്ടായീന്ന് കേട്ടപ്പോ മൊതല് മൊഗം തിര്ച്ച് പിടിക്കണത് ചൊക്ളി കാണാണ്ടിര്ന്ന്ല്ല. പെണ്ണങ്ങള് ഒക്കീം അങ്ങനന്യാ.. നല്ല കാശ്ള്ള, കൊറവൊന്ന്ല്ലാത്ത ആണങ്ങളെ മാത്ത്റേ അവര്ക്ക് പോതിക്കൊള്ളോ.

ചേട്ത്താരെ മോത്തോക്കി കൊർച്ച് നേരം നിന്ന്ട്ടാ ചൊക്ളി എറങ്ങീത്.. മറിയപ്പാറ അങ്ങാടീല് വന്നപ്പളാണ് അതിശം..അന്തോണി മാപ്ളേരെ ചെക്കൻ പ്രാഞ്ചീസ് ണ്ട് മൂന്ന് ചക്രള്ള ഒരു വണ്ടീം കൊണ്ട് വന്നേക്കണു. ഓട്ടർഷ ന്നാത്രേ പേര്. വണ്ടീമ്മേ തൃസ്സക്കുട്ടീന്നും എഴ്തീണ്ട്ന്ന് മൊയ്തീൻക്ക ചിറിക്കണ്ടാര്ന്നു..

കോടംകരേരേ അപ്പ്റത്ത് തൃശ്ശൂര്ക്ക് പോണ്ണ റോട്ട്ലൊക്കെ ഇയ്യ് വണ്ടീണ്ട്ന്ന്.. ഇത് വരെ മറിയപ്പാറ അങ്ങാടീല്ക്ക് വന്നട്ട്ല്യാന്നേ ള്ളോ. തൃശ്ശൂര് ഉമ്മിണി നേർത്ത്യന്നേ ഓടിയൊടങ്ങീന്ന്..

കൊർച്ചേരം വണ്ടീരേ മോന്തേന്നോക്കി നിന്നു..

നാള്യൊട്ട് പണീല്യാണ്ടായീന്ന് ആലോയിച്ചപ്പോ ചൊക്ളിക്ക് പരോശായൊടങ്ങി.. പണീം തൊരോം ല്ലങ്കി ചണ്ണക്കാലൻ തിന്ന് മുടിച്ചൂന്ന് ഓളീട്ടൊടങ്ങും പപ്പിനീരേ തള്ള..

വീട്ടിച്ചെന്നേറിപ്പോ അതിശന്നേ.. പപ്പിനി കുളിച്ച് വെടിപ്പ്ല്.. വീടും പൊറോം ഒക്കേം അടിച്ച് വാരീണ്ട്.. ആകെനൊര് വെളിച്ചം..

അവള് ചായേം അവലും പാളേങ്കോടൻ പഴം കൊഴച്ചതും തന്നപ്പോ ചൊക്ളി ക്കങ്ങട്ട് കുളർന്നു..

നന്നായീ..

പ്രാന്തിയാന്ന് പപ്പിനീനേ നാട്ടാര് പറേണത് കേക്കണ്ട്യര്ല്ലല്ലോ.. അവള് പണിട്ത്ത് തിന്നോളും.. വെറ്തേ ഇബടെ കുത്തിര്ക്കാണ്ട് വല്ലോടത്ത്ക്കും പോയ്യാ ചൊക്ളിക്കും വല്ല പണീം കിട്ടും..

അങ്ങന്യലോയ്ച്ചാ എറേത്ത് കെടന്ന് ചൊക്ളി ഒറങ്ങീത്..

പിറ്റീസം കാലത്ത് വാറ്റ്ണ്ട് ന്നും നീയ്യും വരണന്നും പപ്പിനി പറഞ്ഞപ്പോ പൂവ്വാണ്ടിരിക്ക്യാൻ ചൊക്ളിക്ക് പറ്റീല്ല..

നേരുച്ച്യായപ്പളാ അറിഞ്ഞേ..

ഇന്ദ്രാഗാന്തീനേ ആരാണ്ടും വെടിവെച്ച് കൊന്നൂന്ന്…

പപ്പിനി അന്തിച്ച്ക്കണ കണ്ടപ്പോ ചൊക്ളി ക്ക് എന്താ വേണ്ട്യേന്ന് അങ്ങട്ട് തിരിഞ്ഞ്ല്ല..